Santiago de Compostela, 22 de abril 2022. A portavoz de cultura do BNG, Mercedes Queixas formulou unha pregunta ao goberno relativa á oferta cultural para menores de 16 anos da que dixo resulta “insuficiente” e a oferta en galego “aínda máis baixa”, a pesar de que existe “unha elevada demanda”.
A nacionalista acusou ao partido popular de excluír da súa axenda cultural “a recuperación da igualdade lingüística para o galego” e á Xunta de non avaliar o plan de dinamización do galego na mocidade 2018-2020”.
Tras a intervención do secretario xeral de política lingüística, a deputada amosou a súa sorpresa ante o “desleixo e falta de rigor” de Valentín García para valorar o estudo do consello da Cultura galega, órgano de “alto asesoramento da comunidade autónoma galega”. Neste sentido, indicou que os estudos realizados por esta entidade deben ser sempre considerados e utilizados, cando menos, como “punto de partida” para avanzar na protección e proxección da lingua galega.
Queixas explicou que o estudo do Consello da Cultura Galega sobre a disposición a agasallar contidos culturais a menores de 16 anos en Galicia amosa unha “boa disposición” (7,9%), e en galego, esta disposición sitúase no 8/10%. O 6,2% non ten ningunha intención de agasallar produtos culturais en galego.
Por outra parte, engadiu que os segmentos de poboación con maior predisposición figuran entre a xente moza, estudantes e persoas que falan galego aso seus descendentes.A xuízo da deputada, este estudo constata que existe “unha importante demanda” de produtos culturais para menores de 16 anos pero a oferta sigue sendo “insuficiente”.
Por outra parte, dixo, “a sociedade galega detecta importantes desequilibrios entre oferta e demanda” e concretamente cun gran déficit nos ámbitos do cine, audiovisual, videoxogos, museos, televisión…
Asemade, Queixas tamén aludiu á análise da Mesa Pola Normalización Lingüística sobre a situación do galego nos xogos e xoguetes, un proceso fundamental para a socialización e aprendizaxe da lingua galega. O proxecto socioeductivo “Ao son da música” relativo ao coñecemento da música en galego, unha realizada a máis de 1.000 alumnos reflicte que o 80% nunca escoita música no noso idioma, máis do 50% nunca asistiu a un concerto de música en galego e o 40% descoñece o nome dalgún artista ou cantante en galego.Esta situación, recalcou a nacionalista, constata que “a cuestión lingüística está fora da axenda do Partido popular e do goberno”. Por outro lado criticou que a Xunta continúe sen avaliar o Plan de dinamización do galego na mocidade do 2018-2022.
Mercedes Queixas insistiu nas súas preguntas ao Secretario Xeral de Política Lingüística, Valentín García sobre as estratexias que vai desenvolver a Xunta para acompañar ás familias galegofalantes e atraer as que non o son. En consiste o anuncio dunha liña de traballo potente, unha campaña dirixida a familias de entornos urbanos e periurbanos que incidan nas familia e para cando? Como se vai reforzar a rede de dinamización lingüística? Como se vai actuar para resolver a falta de variedade das accións e recursos?. “Crear recursos está ben” pero é necesario difundilos e facelos accesibles ou resulta que con ter recursos xa cumpren co obxectivo 2.2?
A deputada lamentou que o responsable de política lingüística eludirá responder ás cuestións formuladas e novamente recorrera, na súa intervención, a anuncios sen concretar.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
