Ribadeo, 29 de abril, 2022. Esta mañá, o eurodeputado socialista Nicolás González Casares visitou o IES Ribadeo Dionisio Gamallo para compartir unha xornada co alumnado de 1º de Bacharelato na que puideron coñecer o funcionamento do Parlamento Europeo e algúns dos asuntos máis relevantes sobre os que se está a traballar.
Este encontro forma parte das actividades que o IES Ribadeo Dionisio Gamallo, como unha das seis escolas galegas Embaixadoras do Parlamento Europeo, programou para celebrar o Día de Europa. Un programa deseñado por Manel Yáñez Dablanca, coordinador da escola europea no centro e mestre de Filosofía, xunto á vicedirectora do instituto, Ana Mauriz Digón.
Os valores da unidade e a solidariedade foron os primeiros nos que Nicolás González puxo o foco. Co que está a acontecer en Ucraína, ás portas de Europa, o europarlamentario destacou o traballo de figuras como Robert Schuman ou Simone Veil, a prol da liberdade e a democracia. “Tedes na vosa man que máis de 400 millóns de persoas continúen a vivir baixo unhas normas comúns, unidos na diversidade”, afirmou.
Sobre ese compartir no que se asenta o funcionamento diario da Unión Europea, Nicolás González salientou a importancia de tender pontes entre os diversos grupos políticos, da “cultura do diálogo que alí practicamos”. Explicou tamén como é o seu día a día, do que destacou a independencia da que gozan os eurodeputados e a equipa de persoas expertas coa que traballan.
“As políticas europeas son líderes creando dereitos para as persoas”, relataba o europarlamentario ao tempo que poñía de exemplo a normativa en materia medioambiental e enerxía, campo no que ten un gran coñecemento ao ser membro da Comisión de Industria, Investigación e Enerxía do Parlamento Europeo, de sanidade co acontecido coa COVID-19 ou inmigración.
González Casares estivo acompañado na súa intervención polo director do centro, Modesto Refojo Alvariño, e Manel Yáñez Dablanca. Ao acto acudiu tamén a secretaria xeral do PSOE de Ribadeo, Marta Rey.
O Día de Europa
O Día de Europa conmemora cada 9 de maio a firma da ‘Declaración de Schuman’. Este plan, datado de 1950, puxo as bases dunha nova forma de cooperación política en Europa, considerado o inicio do que é hoxe a Unión Europea.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
