Santiago de Compostela, 29 de abril de 2022. A Xunta vén de solicitarlle ao Concello de Burela a documentación municipal necesaria para avanzar cara á execución do novo colector xeral e mellorar así o saneamento, o que suporá un investimento autonómico de 5,2 millóns de euros.
Augas de Galicia remitiulle ao Concello unha misiva na que se lle require a realización dos trámites pertinentes para o desenvolvemento das obras, entre eles, o trámite de información pública, mediante a publicación do anuncio no Boletín Oficial da provincia por un prazo de 20 días hábiles. Unha vez rematado este procedemento, a Xunta deberá recibir un certificado do seu resultado.
O Concello tamén debe achegar o certificado do Pleno onde se adopten os acordos da aprobación do proxecto da obra e de asumir a explotación e conservación das actuacións. Tamén será preciso que a Administración local envíe a documentación acreditativa da dispoñibilidade de terreos para a execución das intervencións.
A Xunta solicita estes trámites municipais co obxectivo de poder avanzar na licitación das obras.
Actuacións
O obxectivo das actuacións é reforzar a capacidade dos colectores existentes, evitando os alivios sen tratamento previo e concentrando nun único punto as augas a tratar para o seu envío á depuradora, funcionando como bombeo de cabeceira. O prazo de execución dos traballos é de 15 meses.
Para isto, acometerase unha estación de bombeo e tratamento de augas residuais que recollerá a maior parte das augas residuais de Burela para impulsalas cara á futura depuradora.
A intervención tamén inclúe a renovación da rede de colectores xerais de saneamento para dirixir as augas residuais á nova estación, e a execución de novos colectores secundarios para dar servizo de saneamento á zona portuaria, reducindo a infiltración de auga ao sistema.
Ademais, construiranse unha impulsión á nova depuradora, unha condución de vertido entre a nova instalación e a depuradora actual e un bombeo secundario e a correspondente impulsión da zona adxacente á lonxa.
Nova depuradora
A execución do colector xeral complementarase coa nova depuradora de Burela, cuxo proxecto está xa redactado e actualmente en fase de supervisión.
A nova instalación, que virá resolver as deficiencias da actual planta, incluirá sistemas de pretratamento, tratamento biolóxico e desinfección.
A nova planta de tratamento de augas residuais situarase na zona de servizo do porto de Burela nunha parcela duns 3.500 m² nas inmediacións do novo viario de acceso ao porto.
Augas de Galicia impulsa estes traballos de mellora do sistema de saneamento deste municipio lucense en apoio ás competencias municipais en materia de saneamento e depuración.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
