A primeira fase da actuación permitirá substituír integralmente a tubaxe de auga mediante unha nova rede de PVC e quedará completada nun prazo estimado de tres meses
Vilalba, 8 de xuño de 2026. O Concello de Vilalba vén de aprobar a execución das obras de renovación da rede de abastecemento da rúa Cidade de Viveiro, unha actuación prioritaria debido ao avanzado estado de deterioro da infraestrutura e ás continuas avarías rexistradas nos últimos anos.
Nunha primeira fase, os traballos centraranse na substitución integral da tubaxe de abastecemento de auga, considerada a intervención máis urxente para garantir a continuidade e fiabilidade do servizo. O Concello conta xa co proxecto técnico e cos informes que avalan a necesidade desta actuación, que permitirá dar resposta a unha situación que leva máis dunha década xerando incidencias recorrentes na zona.
A alcaldesa de Vilalba, Marta Rouco, subliñou que “coa aprobación desta obra damos un paso decisivo para afrontar unha situación que levaba anos provocando problemas continuos á veciñanza e que xa non podía seguir resolvéndose unicamente con actuacións puntuais”. Engadiu ademais que “somos conscientes das molestias ocasionadas polas avarías e por iso priorizamos unha intervención estrutural que actúe sobre a causa do problema”.
As roturas na rede veñen producíndose de forma continuada desde 2013, cun incremento notable das incidencias nos últimos anos, o que confirma o progresivo deterioro da infraestrutura e a perda da súa capacidade estrutural.
O concelleiro de Servizos Públicos Municipais, Eduardo Vidal, explicou que a actuación permitirá renovar completamente a rede mediante a instalación de novas conducións adaptadas ás necesidades actuais, reducindo de maneira significativa o risco de novas avarías. Detallou tamén que os traballos incluirán a retirada das tubaxes existentes e a instalación dunha nova rede de PVC, así como novas válvulas para modernizar o sistema.
O prazo estimado para a execución desta primeira fase é de tres meses desde o inicio efectivo das obras. O Concello precisa que esta intervención non incluirá, polo momento, a renovación da estrada nin das beirarrúas, actuacións que quedarán para unha segunda fase.
Marta Rouco concluíu destacando que “a renovación integral da rede de abastecemento era a actuación máis urxente, porque sen resolver esta infraestrutura non tería sentido acometer outras melloras na rúa”. A rexedora asegurou que o Concello seguirá traballando para avanzar na mellora integral deste entorno e dar resposta a necesidades que permaneceron sen solución durante demasiado tempo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
