Critican que o Concello mantivo o diñeiro nos seus caixóns dende xullo de 2023 sen facer xestións nin emitir un bando ou charla para informar á veciñanza
Mondoñedo, 8 de xuño, 2026. O Grupo Municipal do PSOE de Mondoñedo denunciou publicamente a “incompetencia política” do PP local tras confirmarse, na pasada sesión plenaria, a devolución dunha subvención de 650.000 euros procedente dos fondos europeos Next Generation EU. Esta contía estaba destinada especificamente á rehabilitación conxunta de edificios e á mellora de espazos públicos en contornas residenciais (Programa 1: Barrios), ao abeiro do Real Decreto 853/2021 do Plan de Recuperación, Transformación e Resiliencia.
Segundo explican, “tras unha pregunta formulada polo PSdeG de Mondoñedo no pleno, o alcalde informou de que tivo que devolver esta subvención porque quedou deserta ao non haber solicitantes. Pero, tal e como puidemos comprobar, o Goberno do PP nin sequera se molestou en emitir un bando municipal, nin o publicou nas redes sociais, nin organizou unha soa charla informativa, nin convocou á veciñanza para explicar os beneficios deste programa e orientar sobre como solicitar as axudas”.
Engaden que “só houbo unha publicación no BOP coas bases, cando faltaba apenas un mes para que rematase o prazo de presentación”. Por iso, insisten en que esta renuncia “constitúe unha neglixencia histórica e supón un golpe para o desenvolvemento económico e social de Mondoñedo, privando aos veciños e veciñas dunha oportunidade única para mellorar as súas vivendas nun momento de especial dificultade”. Segundo o informe municipal, o Executivo local mantivo o diñeiro sen executar desde xullo de 2023.
Desmontando as escusas do alcalde sobre a Xunta
Durante o pleno, o PP asegurou que, tras varias conversas coa Xunta, solicitaron que “eses cartos volvan a investirse en Mondoñedo”. O PSdeG lembra ao Goberno local que esta subvención está regulada por un Real Decreto estatal (RD 853/2021).
“Polo tanto, nin a Xunta de Galicia nin o alcalde teñen competencia para cambiar o destino duns fondos europeos finalistas xa asignados. Unha vez presentada a renuncia o 20 de maio de 2026, os cartos deben ser devoltos obrigatoriamente ao Tesouro Público para seren reasignados polo Ministerio conforme á normativa europea. O alcalde vende fume: ese diñeiro para vivenda perdeuse para sempre”, subliñan.
Cronoloxía dun abandono: tres anos de parálise
O PSdeG detalla a secuencia que, ao seu xuízo, evidencia a inacción do Executivo do PP:
– 6 de outubro de 2021: publícase o Real Decreto estatal que regula as axudas.
– 19 de xullo de 2022: publícase a resolución autonómica tras os acordos co IGVS.
– 19 de outubro de 2022: o Concello presenta a solicitude para participar.
– 11 de maio de 2023: asínase o acordo da Comisión Bilateral que ratifica a subvención.
– 7 de xullo de 2023: transfírense os 650.000 euros ás arcas municipais.
– 20 de maio de 2026: tras case tres anos sen executar nada, o PP presenta a renuncia formal.
Limpeza do Cemiterio Vello, Auditorio e Escola de Música
Noutra orde de asuntos, o Grupo Municipal Socialista solicitou coñecer que beneficios achega o convenio asinado coa empresa Norvento, que consiste no arranxo dunha pista entre a Cruz da Cancela e Campo de Oso. Tamén interpelaron ao Goberno local pola necesidade de limpar as tajeas en Cubelos (Santa María Maior).
No apartado de rogos, o PSOE reclamou tarefas urxentes de limpeza no Cemiterio Vello, así como unha posta a punto profunda no edificio da Escola Municipal de Música e no Auditorio. Ademais, instaron ao Concello a requirir aos propietarios dun inmoble da rúa Bispo Sarmiento o seu mantemento inmediato ante o risco de caída de cristais á vía pública, así como información sobre a casiña para gatos do barrio de San Lázaro, que finalmente apareceu tras ser subtraída.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
