Burela, 29 de maio, 2026. O Concello de Burela acometerá unha importante actuación de conservación e mellora no campo de fútbol da Marosa grazas ao investimento de máis de 600.000 euros aprobado este venres pola Xunta de Goberno da Deputación de Lugo.
Trátase dunha actuación estratéxica para o municipio porque permitirá desencallar unha situación que se prolongaba desde hai anos. A reforma da grada norte chegou a licitarse en dúas ocasións sen que puidese executarse e agora, grazas a este acordo, ábrese unha oportunidade para abordar o futuro da instalación desde unha perspectiva baseada no rigor técnico, na seguridade e na procura de solucións que permitan conservar a os elementos máis emblemáticos do campo, como os vestiarios.
A Alcaldesa, Carmela López Moreno, destacou que este investimento supón “un paso moi importante para garantir o futuro das instalacións do campo da Marosa e para dar resposta a un problema que temos”.
“A Marosa forma parte da historia de Burela. Aquí vivíronse momentos moi importantes para o noso deporte e para a vida social do municipio. Por iso queremos afrontar esta actuación con responsabilidade, pensando non só nas necesidades actuais, senón tamén no valor histórico e sentimental que ten este espazo para moitas xeracións de burelesas e bureleses”, sinalou a rexedora.
A intervención executarase en dúas anualidades para garantir unha planificación ordenada dos traballos e compatibilizar, na medida do posible, o uso das instalacións coa execución das obras.
Durante a primeira fase, prevista para este ano 2026, levaranse a cabo as actuacións máis urxentes. Entre elas figuran os traballos de conservación da grada sur, a elaboración dos informes técnicos e da documentación necesaria para avaliar o estado da grada norte, así como a adopción de medidas provisionais de seguridade, a retirada dos elementos deteriorados e distintas actuacións de consolidación estrutural.
Esta primeira etapa será fundamental para coñecer con exactitude o estado das estruturas e definir con rigor técnico os seguintes pasos a dar. Ademais, permitirá estudar distintas alternativas para o futuro da instalación, buscando solucións viables e respectuosas coa súa identidade.
Neste sentido, Carmela López avanzou que unha das prioridades do Concello será analizar todas as opcións posibles para intentar conservar os vestiarios orixinais do campo.
“A nosa vontade é esgotar todas as vías posibles para intentar salvar os vestiarios históricos. Sabemos o que representan para moitas persoas e queremos buscar solucións que permitan compatibilizar a necesaria mellora das instalacións coa conservación daqueles elementos que forman parte da memoria colectiva de Burela”, explicou.
A segunda fase da actuación, prevista para 2027, permitirá continuar cos traballos de mellora das instalacións, incluíndo a actuación sobre a cuberta, as bancadas, os asentos, as varandas e os espazos de servizo, reforzando a seguridade, a accesibilidade e a funcionalidade do recinto.
A Alcaldesa subliñou que o Goberno municipal afronta esta actuación coa vontade de compatibilizar a necesaria mellora das instalacións coa conservación daqueles elementos que forman parte da súa identidade, apostando polo rigor técnico e pola procura de solucións que permitan preservar a esencia dun espazo que leva máis de medio século formando parte da vida deportiva e social do municipio.
“Queremos que A Marosa siga sendo A Marosa. Queremos mellorar o campo, facelo máis seguro e adaptalo ás necesidades actuais, pero sen renunciar á súa historia nin ao que representa para tantas xeracións de veciños e veciñas”, concluíu.
Con esta actuación, o Concello de Burela reafirma o seu compromiso coa mellora das infraestruturas deportivas municipais e coa conservación daqueles espazos que forman parte da identidade colectiva da vila.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
