Trabada, 8 de xuño de 2026. O Concello de Trabada vén de acadar unha subvención da Consellería de Medio Ambiente e Cambio Climático da Xunta de Galicia para continuar coa renovación dos elementos da área recreativa de A Choza, situada na parroquia da Ría de Abres.
A axuda concedida ascende a 15.000 euros, dentro dun proxecto cun investimento total de 19.601,14 euros, dos que o Concello achegará os 4.601,14 euros restantes.
As actuacións previstas permitirán substituír parte da barandilla de madeira que presenta deterioro por unha nova realizada con materiais reciclados, así como renovar os paneis informativos da Rede Natura existentes na área recreativa, que tamén serán substituídos por novos elementos de madeira.
Esta actuación dá continuidade ás melloras realizadas durante o pasado ano neste mesmo espazo, cando se procedeu á renovación de diferentes elementos do mobiliario da área recreativa, como mesas, papeleiras e fontes, empregando igualmente materiais reciclados e máis sostibles.
O alcalde de Trabada, Rubén García, destacou que “continuamos aproveitando todas aquelas liñas de axuda que nos permiten seguir mellorando os nosos espazos públicos e naturais, facendo actuacións que contribúan á súa conservación e ao seu uso por parte da veciñanza e dos visitantes”.
O rexedor engadiu que “o obxectivo é continuar renovando progresivamente todos os elementos da área recreativa de A Choza, converténdoa nun espazo cada vez máis moderno, sostible e adaptado ás necesidades actuais”.
Desde o Concello sinalan que seguirán solicitando aquelas subvencións e programas que permitan continuar executando novas actuacións de mellora neste e noutros espazos do municipio.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
