Foz, 19 de abril de 2022. O municipio de Foz ten moito que ofrecer a propios e estraños en canto a paisaxes e natureza. O turismo constitúe un dos grandes recursos da economía do concello. Por iso, o portavoz popular, Javier Castiñeira, sinala que “a promoción turística do Concello de Foz é importante”, e di que é preciso leva a cabo campañas de difusión. Pero teñen que ser iniciativas serias e apoiadas con feitos dende o Concello. Castiñeira sinala que “a campaña do equipo de goberno da ruta dos miradoiros parécenos moi ben, pero non pode limitarse a unha declaración de intencións ou a poñer un banco e sacar unha foto”. Asegura que “ten que ser moito máis e debe incluír o coidado e mantemento dos accesos, a permanente atención ás rutas tanto ás de nova apertura como ás que xa están feitas”.
Castiñeira sinala: “Un exemplo do deixamento do equipo de goberno de Foz é que leva tres anos sen tocar á pista que sube ao Pico da Lebre, onde está o miradoiro de igual nome, en Forxán, ao lado do Bispo Santo. Está absolutamente destruído o acceso, ata o punto de que é difícil circular por el en coche. Estamos na época do Bispo Santo e é lamentable ver como está”.
O portavoz popular indica: “O que nos di a xente é que está moi ben poñer bancos, pero despois a imaxe é moi mala. Se creamos rutas, hai que sinalizadas e hai que mantelas e iso é o que non fai o equipo de goberno, que ao único que se dedica é ao postureo, ás fotos; o mantemento das rutas é nulo e proba diso é o miradoiro do Pico da Lebre, e no Bispo Santo, en Forxán”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
