Foz, 26 de abril, 2022. Os Concellos de O Valadouro e Barreiros xunto co Centro de Día “Aloumiños” de Foz, poñen en marcha o programa de apoio “Cuidar(te)”. Un programa dirixido a todas aquelas persoas que coidan, de maneira informal, aos seus familiares maiores.
Coidar pode ser un proceso longo e esgotador, con presenza dunha carga emocional e física.
O obxetivo do programa “Cuidar(te)” é a de facilitar ás persoas que coidan dos seus maiores das ferramentas, coñecementos, habilidades, pautas, … para aliviar a carga do coidado e mellorar a súa calidade de vida, sen descoidar, a atención e o coidado da persoa que atenden.
Coñecer a súa experiencia, escoitar as súas inquietudes, solventar dúbidas e prestarlle apoio e os coñecementos que precise a persoa coidadora. O coidar de nós, como coidadores, tamén é coidar mellor dos nosos maiores.
O programa dará comezo nos próximos días e as prazas serán limitadas. Formarse un grupo de ata un máximo de 8 persoas en cada Concello, Barreiros e O Valadouro.
Os temas a tratar, entre outros, será a xestión emocional da persoa coidadora; coñecementos e pautas para un mellor coidado da persoa maior; recursos sociais dispoñibles; xestión/organización do tempo; etc.
Para iso, contarase coa presenza da psicóloga, Amparo Vizoso García; da terapeuta ocupacional, Reyes Quelle Fra; da traballadora social, Sagrario Fernández; e de varias persoas máis, que aportarán o seu grao de area, e que participaron noutros programas similares; así como, persoal propio do Centro de Día “aloumiños” e do Servizo de Axuda no Fogar “aloufogar”.
Todas aquelas persoas de Barreiros e O Valadouro, que coidan dos seus maiores e desexan participar no programa, deberán poñerse en contacto cos Servizos Sociais do seu Concello. No Valadouro ao número de teléfono 982 574 000 e no Concello de Barreiros ao número 982 124 002
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
