Lugo, a 21 de abril de 2022. A xunta directiva do Partido Popular da provincia aprobou na reunión deste xoves a distribución dos 200 compromisarios que deberán elixir os afiliados da provincia de Lugo para representalos no 18 Congreso do PPdeG que se celebrará entre o 21 e o 22 de maio en Pontevedra. A estes 200 haberá que engadir outros 4 representantes de Novas Xeracións da provincia de Lugo e tamén os 40 lucenses que son membros natos da actual xunta directiva do PPdeG e 2 máis que forman parte da Comisión Organizadora.
A máxima mandataria popular lucense que é tamén a presidenta da Comisión Organizador do Congreso, Elena Candia, presidiu a xuntanza na que explicou o procedemento que deberán seguir os afiliados para participar neste congreso e, polo tanto, poder votar polos candidatos á presidencia e polos candidatos a compromisarios: “é imprescindible inscribirse como elector”.
Tendo en conta que moitos afiliados realizaron recentemente a súa inscrición para participar no Congreso Nacional, co obxectivo de simplificar o procedemento e de minimizar riscos para a saúde, a C.O.C. acordou declarar automaticamente inscritos como electores aqueles afiliados cuxa solicitude fose aceptada para o recente Congreso Nacional.
Candia convidou, polo tanto, aos afiliados que non participaron no Congreso Nacional, pero que están interesados en participar neste, a inscribirse antes das oito da tarde do vindeiro 3 de maio.
O prazo para inscribirse como candidato a compromisario esténdese ata o 5 de maio. As asembleas nas agrupacións locais para a elección dos compromisarios entre os candidatos, se fora necesario, celebraranse o 10 de maio. O regulamente completo do 18 Congreso do PPdeG pode consultarse na seguinte ligazón: http://ppdegalicia.com/index.php/gl/18-congreso-ppdeg.
Reparto de compromisarios por agrupacións
Os compromisarios electos outórganse, atendendo ao regulamento, nun 75% segundo o nivel de afiliación local con respecto á afiliación do total da provincia e nun 25% segundo a porcentaxe de votos obtidos neses municipios nas pasadas eleccións ao Parlamento de Galicia con respecto ao total da provincia.
Deste xeito, a agrupación local de Lugo deberá elixir 55 compromisarios; as de Monforte e Sarria, 12 cada unha; 6 compromisarios lle corresponden a Foz e outros tantos a Viveiro; 5 Chantada, Friol, O Saviñao e Vilalba; 4 a Castro de Rei, Cervo, Quiroga e Ribadeo; 3 a Burela; 2 a Becerreá, Bóveda, Carballedo, O Corgo, Cospeito, A Fonsagrada, Guitiriz, Guntín, O Incio, Láncara, Mondoñedo, Outeiro de Rei, Palas de Rei, Paradela, A Pastoriza, O Vicedo e Xove; os 36 concellos restantes da provincia deberán elixir 1 compromisario cada un deles.
Manual de identidade corporativa
A xunta directiva celebrada este xoves tamén serviu para presentar o novo manual de identidade corporativa do PP lucense. O documento que se distribuirá entre as agrupacións locais pretende avanzar no compromiso de mellorar a comunicación cos lucenses porque “estamos ao servizo e escoita da sociedade da nosa provincia”.
“O obxectivo é o de transmitir as nosas ideas, mensaxes e valores de forma clara e unitaria para ser útil aos lucenses”. Ademais, “manter unha imaxe unificada e harmoniosa contribúe a reforzar a credibilidade do partido”, segundo manifestou a presidenta provincial.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
