Ribadeo, 18 de abril de 2022. O concelleiro de Turismo, Pablo Vizoso, amósase moi satisfeito polo resultado da campaña de Semana Santa. A ocupación hoteleira superou o 90% de xoves a sábado, as autorizacións para acceder ás Catedrais esgotáronse o venres e o sábado e 3.861 persoas solicitaron información nas oficinas de turismo ribadenses.
O edil ribadense dixo que “Ribadeo amosou nesta pasada Semana Santa a súa mellor imaxe cunha altísima afluencia tanto de visitantes como de turistas. Nas oficinas de turismo, tanto do centro da vila como da praia das Catedrais, que estiveron abertas tódolos días dende o 8 de abril, rexistráronse un total de 3.861 persoas solicitando información sobre o noso concello e a contorna”.
Vizoso Galdo contou que “a maior parte destas visitas, un 57%, concéntranse entre o xoves e o domingo, como é lóxico, pero é de destacar tamén a elevada porcentaxe nos días previos aos festivos o que demostrase o atractivo de Ribadeo, que continúa a consolidarse como referente turístico da cornixa cantábrica galega”.
O concelleiro de Turismo referiuse á procedencia dos visitantes: “analizando a procedencia de quen nos visitou observamos que máis do 90 % procede do Estado español, principalmente de Euskadi, Madrid, Galicia e Castela e León. E no restante, destaca a procedencia dende Francia na praia das Catedrais e de Alemaña no centro da vila. Principalmente tratábase de parellas ou unidades familiares compostas por 3 ou 4 persoas que se desprazaron no seu propio vehículo e tamén segue incrementándose a modalidade de grupos formados por entre 7 e 10 persoas. Ademais rexistrouse o aumento de visitas ou turistas en grupos organizados achegándose as oficinas de turismo de Ribadeo”.
Sobre a ocupación hostaleiro Pablo Vizoso subliñou que “superou o 90% nos días centrais (xoves, venres e sábado) e algúns establecementos incluso estiveron ao 100 %. Tamén hai que destacar que o resto dos días a ocupación situouse en torno ao 80%. Consideramos que son datos moi favorables e que redundan en beneficio do sector servizos da nosa vila”.
O edil de Turismo e Comercio manifestou que “como xa ocorrera no verán e noutros anos nas Catedrais esgotáronse o venres e o sábado as autorizacións para acceder ao areal e o resto dos días presentou unha afluencia de visitantes moi elevada. E tamén se notou un incremento de peregrinos nestes días pasados sobre todo nos albergues da vila”.
Vizoso Galdo engadiu que “as visitas guiadas organizadas polo Concello durante toda esta semana polo traxecto do Ribadeo Indiano e do Ribadeo Ilustrado e tamén as diferentes Xeorutas dos Arcos e da Ría estiveron en tódolos pases completas de asistencia, o que demostra a moi boa aceptación que están tendo este tipo de iniciativas”.
O balance da Semana Santa é moi positivo: “dende o Concello de Ribadeo amosámonos moi satisfeitos polo resultado desta campaña de Semana Santa, que ven a ser o anticipo ou o preludio da época estival e quero agradecer o esforzo e o traballo do persoal das diferentes Áreas do Concello que colaboraron en facelo posible”.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
