A Mariña, 31 de maio, 2022. As delegadas e delegados da CIG no Servizo de Prevención e Defensa contra Incendios (SPDCIF) advirten da preocupante falta de profesionais en todos os distritos forestais da provincia de Lugo, xa que, ás portas de iniciarse a campaña de extinción de lumes forestais, hai brigadas nas que falta máis da metade do persoal. De feito, hai 35 postos que constan como efectivos (ao figurar na RPT), pero que na realidade están sen cubrir, co perigo que isto implica nun traballo de risco elevado como este.
Esta falta de profesionais lévase arrastrando dende hai anos sen que a consellaría do Medio Rural poña solución. Unha pasividade que a representación da CIG cualifica de “absoluta falta de responsabilidade”, máis tendo en conta que os datos indican que a campaña de extinción de incendios forestais deste ano será toda de alto risco e que a consellaría se marcou como obxectivo que non ardan máis de 16000h en todo o país.
“A consellaría do Medio Rural fai moita propaganda, gasta moitos esforzos e diñeiro en transmitir unha imaxe de responsabilidade e profesionalidade que non se corresponde coa súa xestión do persoal. Gábase de ter un amplo dispositivo no SPDCIF pero a realidade é que hai códigos de RPT pero non persoas cubrindo eses postos. Vende fume, pero está xogando con lume”, alertan os delegados e as delegadas da CIG.
A Relación de Postos de Traballo de Medio Rural determina cantos efectivos ten o SPDCIF, pero na realidade moitos dos postos de traballo están sen cubrir, xa que a consellaría nin as oferta como prazas de superior categoría ou por adscrición provisional, nin tampouco dota estes postos con persoal das listas de substitución. De feito, critican que a administración decidiu cubrir só as prazas do persoal que está de baixa por IT, pero moitas delas non chegan a ser efectivamente cubertas “porque cando rematan os trámites dos chamamentos as persoas titulares xa se reincorporaron da baixa”.
Falta persoal en todos os distritos forestais
Para visibilizar estas carencias de efectivos, só hai que botar unha ollada á distribución do persoal polos distritos:
Distrito VI Mariña Lucense:
-1 xefe de brigada (o titular está adscrito a outra praza)
-2 motobombas vacantes por xubilación (1 delas leva 2 anos sen cubrir)
– 5 vacantes de bombeiros/as
-1 bombeiro de baixa
-2 emisoristas de baixa de longa duración.
Distrito VII Fonsagrada Ancares:
– 1 motobomba vacante,
– 1 bombeiro condutor
– 1 bombeiro vacante por incapacidade
Distrito VIII Terra de Lemos
– 2 vixilantes en Marroxo
– 1 bombeiro-condutor en brigada helitransportada que leva 2 anos sen cubrir (neste caso, chama a atención que durante a precampaña se solicitasen voluntarios de persoal de terra para reforzar as brigadas helitransportadas e agora non se complete esta opción).
Distrito IX Lugo – Sarria (distrito con máis número de lumes en cómputo xeral):
– 7 bombeiros/as sen cubrir entre vacantes e non vacantes.
– 1 vixiante por superior categoría.
– 2 motobombas (1 baixa de longa duración)
Distrito X Terra Chá:
– 2 xefes de brigada
– 3 vixilantes (2 vacantes e 1 baixa longa duración)
– 1 bombeiro condutor por adscrición
– 2 bombeiros vacantes
Con estes datos na man, a representación da CIG pregúntase “como pretende a consellaría que se poidan realizar as tarefas de extinción cando hai brigadas nas que faltan máis da metade dos compoñentes?”. E neste sentido, alerta do perigo que supón nun traballo de alto risco como a loita contra o lume que os dispositivos non estean completos e que se vexan desbordados pola combinación dunha campaña previsibelmente moi complicada coa permanente falta de persoal.
De cara a garantir un operativo eficiente e salvagardar a seguridade do persoal e da cidadanía, a CIG reclama da consellaría de Medio Rural que cubra de inmediato todas as prazas vacantes (moitas das cales levan anos sen ocupar) e unha xestión de persoal adecuada para atender este servizo público.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
