O Presidente provincial asinou co vicepresidente do Colexio de Graduados Sociais de Lugo un convenio por 25.000€ para financiar esta prestación, a través da que se está atendendo á veciñanza da provincia en situación de vulnerabilidade e, nos últimos meses, tamén a ucraínos que abandonan o seu país pola guerra
Lugo, 25 de maio de 2022. O Presidente da Deputación de Lugo, José Tomé Roca, e o vicepresidente do Colexio Oficial de Graduados Sociais de Lugo, José Luis Piñón, asinaron no Pazo de San Marcos un convenio de colaboración polo que a institución provincial achega a esta entidade 25.000 euros, unha aportación económica que fai posible o mantemento dun servizo gratuíto de información e asesoramento sociolaboral á veciñanza da provincia en situación de vulnerabilidade, que, nos últimos meses, tamén está atendendo a persoas desprazadas pola invasión de Ucraína.
Desta prestación, a cargo dun equipo de 92 profesionais do Colexio de Graduados Sociais, benefícianse cada ano máis de 70 persoas. Tal e como apuntan desde o colectivo, o principal obxecto de consulta durante o 2021 foron cuestións relacionadas coas novas circunstancias laborais, relacionadas cos dereitos profesionais, salario, duración da xornada laboral ou problemas que teñen que ver coa conciliación.
O Presidente da Deputación destacou que este servizo profesional de orientación en materia sociolaboral contribúe “de maneira importante á xustiza social e á igualdade, uns valores cos que nesta institución estamos firmemente comprometidos e que intentamos favorecer de xeito transversal en todas as accións do Goberno, e máis agora polas especiais dificultades provocadas pola pandemia e a invasión de Ucraína”.
Ademais da calidade da prestación ofrecida polo Colexio de Graduados Sociais, José Tomé puxo en valor a axilizade deste servizo, que resolve as consultas dos usuarios e usuarias en menos de dous días. Tamén remarcou o esforzo que están a facer nestes últimos meses para atender peticións de información e asesoramento que fan tanto as persoas desprazadas dende Ucraína por causa da invasión rusa, de xeito individual ou a través das ONG, como as entidades que lles prestan apoio.
Nesta liña, o Presidente da Deputación fixo fincapé na importancia de continuar prestando este servizo a persoas con dificultades económicas ou en situacións de vulnerabilidade que carecen dos medios necesarios para acceder a un asesoramento xurídico. “Ante situación derivada da Covid-19 e da invasión de Ucraína é preciso que desde as administracións públicas cooperemos co resto de entidades para responder da mellor maneira posible ás necesidades da veciñanza e dos desprazados dende o leste de Europa”.
Funcionamento
O Colexio Oficial de Graduados Sociais de Lugo traballa de forma coordinada cos departamentos de Servizos Sociais de todos os concellos da provincia que lle trasladan a esta entidade as diferentes consultas dos usuarios e usuarias.
As persoas interesadas en empregar este servizo poden solicitar unha cita previa expoñendo o motivo da consulta e a zona da provincia cubrindo o formulario colgado na páxina web deste entidade –https://graduadossocialeslugo.com/-. Posteriormente establecerase unha data para a reunión na sede do Colexio ou nas diferentes oficinas habilitadas en cada partido xudicial.
Entre as cuestións que se poden consultar figuran xestións relacionadas con estranxeiría, prestacións da Seguridade Social, xubilacións, viudedade, orfandade, pensións non contributivas, reclamacións salariais, dereitos ou deberes na relación laboral, entre outras cuestións xurídico-administrativas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
