Enmárcanse nas actividades da oficina Conecta Lugo, instalada na localidade para asesorar a emprendedores e pemes da comarca da Mariña
Ribadeo, 23 de maio de 2022. A Xunta e a Confederación de Empresarios de Lugo (CEL) desenvolverán en Ribadeo o día 1 de xuño unha xornada informativa sobre os apoios aos que poden optar as pemes dos sector do comercio.
O delegado territorial de Lugo, Javier Arias, e Jaime López, secretario da CEL presentaron hoxe esta iniciativa, que se enmarca na programación da oficina Conecta Lugo, que recentemente puxeron en marcha ambas entidades de forma conxunta nun local da casa sindical situada na Avenida de Galicia de Ribadeo.
O obxectivo é achegarse aos emprendedores e empresarios da comarca da Mariña para ofrecer asesoramento personalizado, especialmente no que atinxe á innovación, co foco posto naquelas con potencial pero que aínda non deron o paso. Tamén se desenvolven actividades divulgativas, visitas a empresas e foros sectoriais.
Neste contexto, o mércores día 1, ás 16 horas, o director xeral de Comercio e Consumo, Manuel Heredia, informará no salón de actos do edificio sindical sobre as liñas de axuda que ofrece o Goberno autonómico para este sector.
Igualmente, este xoves, 26 de maio, desenvolverase o I Foro Think Tank de turismo da Mariña. O Club Náutico de Ribadeo acollerá mesas de traballo sobre os retos do sector na comarca ou as oportunidades do Camiño Norte e do turismo sustentable.
As persoas interesadas poden inscribirse ou obter información detallada de cada unha destas actividades na páxina web da CEL.
Atención personalizada todos os días
Os técnicos do Conecta Lugo atenden a todas as persoas previa cita, que pode solicitarse a través do número de teléfono 722 890 528 ou no enderezo electrónico conectalugo@cel.es.
Asesoran sobre os programas de apoio e os recursos que pon a Xunta á disposición das pemes para que avancen en innovación e competitividade. Entre estes, préstamos directos do Igape, axudas á incorporación do deseño como ferramenta de innovación e sustentabilidade, subvencións para proxectos de aforro e eficiencia enerxética ou para accións de promoción exterior, todas elas convocatorias abertas actualmente.
Dende o PP de Ribadeo, o voceiro do Grupo Municipal Popular, Daniel Vega, amósase “satisfeito” e “contento” con que a CEL e Xunta de Galicia analicen o sector turístico de Galicia dende Ribadeo “para seguir avanzando”. Así o indica, logo do anuncio do encontro, que se celebrará no Real Club Náutico, e no que se porá enriba da mesa as potencialidades de dito sector a nivel autonómico e tamén local. Concretamente, os temas que se tratarán son: os retos do turismo en Galicia, o Camiño Norte como oportunidade para A Mariña e A Mariña como referente do turismo de calidade e sustentable.
“Será un foro no que se falará de temas moi importantes que nos afectan a todos como consumidores turísticos, pero tamén será relevante dende o punto de vista de que este é un sector que se transformou, pero que non se conforma”, destaca.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
