Burela, 7 de maio, 2022. O Pescados Rubén Burela consegue impoñerse ao Alcorcón en penaltis nesta disputadísima semifinal da Copa da Raíña. O conxunto de Julio Delgado, ten o seu billete directo á gran final, onde as laranxas darano todo para levar este gran título.
Na tarde de semifinal de hoxe no Paco Paz de Ourense, o partido arrincaba con ambos os equipos moi serios, nunha toma de contacto. Peque sería a que primeiro ía probar á meta Estela despois dun pase en profundidade de Danny.
Os primeiros 10 minutos o Burela estaba na pista executando un bo xogo e tendo máis intencións para poñerse por diante, con disparos de Elenita e Danny. As ocasións máis claras para inaugurar o marcador chegaron a mans de Bea Mateos en primeiro lugar, tras a súa incorporación na rotación, que despois de golpear un rexeite na área coa cabeza este acaba dando no poste e en segundo lugar Ale de Paz, que apunto estivo de abrir o marcador tras unha asistencia que lle viña desde a ala dereita.
Pasados os 10 minutos o partido seguía igual, con ocasións de todo tipo para o Burela que non lograban materializar. A máis destacada foi unha condución de Peque que facendo un pase desde o á esquerda, este se envelenou e golpeou no poste. En toda esta abundancia de ocasións, o Alcorcón case se adianta pero Sandra interveu para evitalo. Os dous últimos minutos desta primeira parte , ambos os equipos intercambiaron ocasións claras, as nosas con Peque que recollía un balón picado de Danny que non puido entrar, e outra por parte de Irene do Alcorcón que se vai fóra. Con isto ía finalizar a primeira parte con todo por decidir nos seguintes 20 minutos de xogo.
A segunda metade empezaba co Burela buscando o gol inicial, pero a defensa incansable do Alcorcón estaba a evitar por todos os medios o gol laranxa. O conxunto madrileño desgastábase na pista, e estaba a tentar aproveitar algún contragolpe, o que máis preto estivo foi despois dunha xogada de Emilly con pase de Bea moi clara , que contestou o Alcorcón cun disparo ao traveseiro.
A pesar de non estar a dominar o enuentro, o Alcorcón tiña as súas oportunidades, e ían ser elas as que se ían a adiantar no marcador por mediación de Tania no minuto 31. Non ía durar moito esta vantaxe, xa que o Burela un minuto despois ía empatar o partido con Gol de Peque a partir dunha xogada combinada. Co empate as laranxas xogaban mellor sobre a pista, e tiveron oportunidade para poñerse por diante cun disparo de Dany que acaba no traveseiro.
O partido ía acabar nos 40 minutos regulamentarios con empate, despois de todo o sucedido, e íase a decidir por quenda de penaltis. Na quenda de penaltis, tras unha estelar actuación de Jozi, que chegou a parar 3 penaltis, detendo un repetido, e unha alta porcentaxe de acerto por parte das nosas, conseguiron poñer o broche ao partido e clasificarse para a inminente final ante o Atlético Navalcarnero.
Ficha técnica
Pescados Rubén Burela: Sandra Buzón, Peque, Ale de Paz, Cilene, Dany -cinco inicial-, Bea Mateos, Irene Samper, Elenita, Elena, M.Cortés, Lara Balseiro, Cami e Jozi.
A.D. Alcorcón F. S. F: Aida de Miguel, Clau López, Laura Oliva, Nere Moldes, Estela -Cinco Inicial-, Tania, Laura Sánchez, Ballesteros, Pepa, Paula Llorente, Patri, Marta Nuño, Marta de Diego e Iraia.
Goles: Min 31 Tania 0-1; Min 32 Peque 1-1.
Equipo arbitral: Diego Martínez García ,Tomás Santander Flamerique, Sara Gutiérrez Echevarría, Lydia Guillem Ramírez. Cartulina amarela a Julio Delgado e Cilene por parte do Pescados Rubén Burela.
Incidencias: Partido correspondente semifinal da Copa da Raíña, disputado no Palacio dos Deportes Paco Paz de Ourense
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
