Desde a delegación de Cultura animan a participar e poñer á venda os artigos que xa non se empreguen para que outras persoas lles podan dar unha segunda vida
Burela, 24 de maio de 2022. Este domingo 29 de maio terá lugar unha nova edición do rastro popular solidario, que se ubicará na praza da Mariña desde as 10 ata as 15 horas.
Realizarase co mesmo formato que se veu facendo desde o comezo desta iniciativa, que xa suma cinco anos desde a súa primeira edición no ano 2017. Poderanse expoñer ao público para a súa venda distintos artigos (agás alimentos) como libros, discos, roupa, accesorios, decoración ou artesanía.
O prazo de inscrición xa está aberto, debendo chamar á casa da xuventude nos números 982 581 141 ou 608 158 170, deixando os datos para formar parte do rastro.
O edil de Cultura, Jose Díaz, convidou a todas as persoas “a participar co único requisito de doar un quilo dalgún produto para o banco de alimentos de Burela, unha iniciativa que cumpre con tres obxectivos a un tempo: realizar unha acción solidaria para as persoas que máis o precisan, fomentar a economía circular dando unha segunda vida a multitude de cousas que xa non se empregaban, e ambientar un dos domingos das festas patronais da localidade”.
A última edición foi no ano 2021, aínda en pandemia, pero Díaz lembra que “chegaron a instalarase 18 postos, polo que agardamos poder contar este ano con moita participación e recuperar a motivación e ilusión da xente, coincidindo ademais co día posterior ao pregón na semana grande das festas patronais de Burela”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
