O delegado territorial da Xunta, Javier Arias, explicou as obras que executará a Administración autonómica na LU-540, entre Viveiro e Cabreiros, que teñen un orzamento de 13,4 millóns
Viveiro, 27 de maio de 2022. O PP de Viveiro celebrou na tarde-noite do xoves nun hotel do entorno da cidade un moi concorrido acto de partido que tivo un dobre perfil, por un lado, informativo e, por outro, de homenaxe aos concelleiros e ex concelleiros populares neste municipio. Entre os asistentes estiveron a presidenta provincial do PP, Elena Candia (vicepresidenta primeira do Parlamento); o delegado territorial da Xunta, Javier Arias; coordinador xeral e portavoz provincial dos populares, José Manuel Balseiro, e o presidente do PP local e portavoz municipal, Óscar Rodríguez.
A primeira parte do acto estivo centrada na información que facilitou o delegado territorial da Xunta, Javier Arias, sobre as relevantes obras de mellora que acometerá a Administración autonómica na estrada de Viveiro a Cabreiros (LU-540).
Unha vez executada a reforma, circular por dita vía será moito máis seguro e a velocidade media mellorará. Nestes momentos, está aberto o prazo (rematará o 16 de xuño) para a presentación de alegacións ao proxecto. Arias explicou que o investimento autonómico de 13,4 millóns de euros permitirá acurtar o tempo de percorrido ao duplicar a extensión de terceiros carrís. Con esta intervención refórzase a competitividade territorial das comarcas da Mariña e da Terra Cha, mellora a seguridade viaria dos condutores e ofrece aos veciños desprazamentos máis cómodos e rápidos. Igualmente, optimizarase a seguridade viaria nas 9 principais interseccións para reducir os riscos con actuacións puntuais e efectuarase unha mellora puntual do trazado entre os puntos quilométricos 5 e 8, un treito que se dotará de cuneta de seguridade.
A outra parte do acto celebrado en Viveiro constituíu unha homenaxe a todos os concelleiros e ex concelleiros populares. Entre os asistentes ao acto estivo o ex alcalde César Aja, que, a petición dos asistentes, tivo que improvisar un breve discurso, no que destacou a importancia de recuperar a alcaldía, para que Viveiro saia da parálise na que está sumido este municipio dende que goberna a socialista María Loureiro. Actuou de mestre de cerimonia a secretaria xeral do PP de Viveiro, Mariña Gueimunde (xefa territorial de Educación) e ela mesma ex concelleira popular. Os homenaxeados recibiron unha insignia conmemorativa; a entrega deste agasallo correu por conta da presidenta provincial do PP, Elena Candia; o coordinador xeral do partido, José Manuel Balseiro; o delegado territorial da Xunta, Javier Arias; o alcalde de O Vicedo, Jesús Novo.
O presidente do PP local e portavoz municipal, Óscar Rodríguez, nas súas intervencións destacou á necesidade de traballar intensamente ata as próximas eleccións municipais para recuperar a alcaldía de Viveiro. Dedicou unha dura crítica á alcaldesa, a socialista María Loureiro, á que acusou de incapacidade de xestión e de intentar continuamente responsabilizar á Xunta do que non fai como alcaldesa. Lembrou os investimentos efectuados pola Administración autonómica en Viveiro e chamou a toda a militancia a traballar activamente para que o resultado das eleccións permita que o PP goberne neste municipio.
O acto pechouse cunha intervención da presidenta provincial do partido Elena Candia, que acaba de asumir a vicepresidencia primeira do Parlamento de Galicia. Na súa liña habitual, insistiu na necesidade de traballar intensamente para alcanzar os obxectivos, que, no caso de Viveiro, é a alcaldía. Destacou que o traballo debe levarse a cabo con firmeza e tesón pero con humildade. Puxo en valor o traballo da Xunta en relación coa provincia, en xeral, e con Viveiro en particular, e destacou as negativas consecuencias que para A Mariña teñen as decisións adoptadas polo Goberno central, presidido polo socialista Pedro Sánchez.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
