O certame escolar estivo aberto á participación de centros de infantil, primaria, secundaria, educación especial, formación profesional e ensinanzas de réxime especial
Santiago de Compostela, 26 de maio de 2022. Oito centros educativos de Cangas, Boiro, Redondela, Vigo, Vila de Cruces e O Porriño (Pontevedra); Barreiros (Lugo); e da Coruña recibirán os premios da Xunta do certame Cooperativismo no Ensino, que a Consellería de Promoción do Emprego e Igualdade vén de fallar.
Trátase dunha iniciativa coa que se pretende difundir e promover os valores desta fórmula de economía social entre a poboación escolar galega, en concreto, entre o alumnado dos centros de educación infantil, primaria, secundaria obrigatoria, educación especial, formación profesional e de ensinanzas de réxime especial.
O certame conta cunha dotación económica de 28.000 euros que se destinan aos premios nas diferentes categorías que se agrupan en tres modalidades diferentes: en actividades artísticas resultaron gañadores na categoría destinada ao alumnado de segundo ciclo de Educación Infantil: o CEIP Plurilingüe Domaio, de Cangas, polo traballo Todos somos especiais: Cooperación espacial; e o accésit recaeu no CEIP Plurilingüe de Abanqueiro, de Boiro por Escultura narrativa.
Na categoría para o primeiro e segundo curso de Educación Primaria resultaron galardoados o CEIP Plurilingüe Domaio, de Cangas, por S.O.S. ao planeta, cooperamos por un mundo máis sostible; e o accésit recaeu en Animalízate! Amor con patas: Museo dos Animais do CEIP de Laredo, en Chapela (Redondela).
O premio ao mellor traballo da categoría de terceiro e cuarto de Educación Primaria recaeu en Cooperativa 3D do CEIP San Miguel de Reinante Barreiros (Lugo); e o accésit en Mulleres estrela, creando referentes do CEIP Plurilingüe Domaio.
Por último, na cuarta categoría desta modalidade, a dirixida a quinto e sexto de Educación Primaria, resultou vencedor o traballo Tecendo a cooperativa, do CEIP San Miguel Reinante Barreiros; o accésit foi para o CEIP Plurilingüe Domaio por Na nosa orixe cooperamos para evolucionar.
Na segunda modalidade do certame, para actividades cooperativizadas, dirixida ao alumnado dos centros de Educación Secundaria Obrigatoria e Educación Especial, recibirán o premio o Centro de Educación Especial Aceesca do Porriño por Cooperativa Escolar O Mistral: Iniciativa “Para unha vida sen límites”; e o accésit, o IES Valadares de Vigo por Lugh: Sociedade Cooperativa Galega Xuvenil do Sobreiral de Valadares.
Mellor proxecto empresarial
A terceira modalidade do concurso para proxectos empresariais cooperativos premia a centros de formación profesional e de ensinanzas de réxime especial. Nesta edición o premio ao mellor proxecto empresarial cooperativo foi para Sentidiño, sociedade cooperativa xuvenil galega presentado polo CIFP Imaxe e Son da Coruña. O accésit será para Contorno accesible do IES Marco do Camballón de Vila de Cruces (Pontevedra).
Unha das novidades deste ano consistiu en que o mellor traballo da modalidade de proxecto empresarial, ademais dun galardón económico poderá pasar a formar parte dos eventuais programas de emprendemento na economía social que desenvolva a Xunta de Galicia no futuro.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
