Ribadeo, 25 de maio, 2022. O venres 20 de maio os grupos de 1º de Bacharelato do IES Ribadeo Dionisio Gamallo foron protagonistas dunha xornada inaugurada ás 9:30 pola presidenta Roberta Metsola que saludou ás 7 escolas españolas que participamos no evento xunto a outras 90 de toda Europa. Un total de case 3000 alumnos e alumnas de 24 países nesta terceira sesión de Euroscola deste curso.
É a segunda vez que somos invitados a Euroscola das tres ocasións que houbo no presente curso. Nesta xornada os temas que se traballaron se presentaron baixo o epígrafe “Oportunidades e riscos na era dixital”, e o alumnado podía intervir directamente a través da propia plataforma do Parlamento ou a través dunha plataforma de intercambio de comunicación para todas as escolas europeas.
Antes de entrarmos en materia tivemos a oportunidade de escoitar e falar con M. Luca Parmitano, un dos astronautas da Axencia Espacial Europea, que respondeu animadamente a todas as preguntas que o alumnado puido facer na media hora que estivo con nos.
Na segunda parte da xornada, interviu Sonia Livingstone, profesora de Psicoloxía Social na London School of Economics & Political Science, que falou sobre redes sociais e ciberacoso, e animou a debater unha vez máis sobre o problema do acoso nos distintos aspectos da vida actual e nas distintas etapas da vida dos individuos.
A terceira parte do evento estivo dirixida por Markus Warasin, Director Xeral de Políticas Exteriores da UE, que falou sobre ciberseguridade e infraestruturas críticas, desinformación e noticias falsas, e os problemas da Democracia na era dixital.
Para pechar o evento entrevistamos a Heidi Hautala, vicepresidenta do Parlamento Europeo, que tamén mantivo comunicación directa con todo o alumnado que quixo intervir directamente ou enviou as súas preguntas mediante as canles establecidas.
Foron dúas horas intensas de traballo con importantes protagonistas da política comunitaria, que brindaron o seu tempo e a súa experiencia para comentar o traballo que desenvolven, algunhas experiencias, e sobre todo, para compartir con todo o alumnado presente unha xornada de debate, de actualidade e de comunicación máis alá das fronteiras. Unha ocasión que serviu para sementar valores de paz e futuro e que nos responsabiliza na tarefa de continuar expandindo os principios que a Unión Europea defende desde fai máis de setenta anos e que nos proporcionan un marco de seguridade e de progreso que debemos manter e mellorar.
A nosa tarefa como Escola Embaixadora do Parlamento Europeo non remata aquí, quedan aínda proxectos e tarefas que completar e as compartiremos con toda a comunidade educativa como testemuña do traballo en pro dunha sociedade mellor.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
