No Día das Letras Galegas, Pontón avoga por un novo marco para a lingua galega para avanzar na súa normalización en todos os ámbitos da vida
Santiago de Compostela, 17 de maio, 2022. A portavoz nacional do BNG, Ana Pontón insta a Rueda e ao seu novo goberno a cambiar a política lingüística do Partido popular para reforzar a presenza do galego en todos os ámbitos da vida.
Na manifestación convocada pola Plataforma, “Queremos galego”, a líder do BNG reclama a derrogación do Decreto do plurilingüismo do Goberno galego que achicou a presenza do galego no ensino e representa unha década de retroceso para a lingua galega.
Na celebración do Día das Letras galega, Ana Pontón incidiu na urxencia de rematar cunha escola desgaleguizadora para que nenos e nenas poidan ser educados na súa lingua e reivindica un “novo marco” para o galego que reforce o seu uso e protección. En galego, dixo, “hai futuro” pero para que sexa posible é necesaria a derrogación do decreto da “vergoña” e poñer en marcha un novo decreto que aposte para que todos os rapaces e rapazas coñezan a súa lingua. Ademais, engadiu, dende o BNG tamén propoñemos crear unha canle temática infantil en galego e avanzar na normalización do idioma nos medios de comunicación, na xustiza, na sanidade e o no ocio. En galego, recalcou, “hai futuro, non hai límites e será o noso legado para os que veñen detrás”.
Hoxe, dixo, celebramos con orgullo que temos unha lingua propia e con mil primaveras máis para o noso idioma porque sabemos que hai miles de cidadáns conscientes de que un idioma propio e “unha riqueza” e a maior fortaleza para avanzar na súa cultura e na súa lingua.
O goberno do Partido popular rema a contra do galego
Nunha multitudinaria manifestación convocada pola plataforma, Queremos galego en Santiago de Compostela, a portavoz nacionalista lamentou que o goberno galego “reme a contra do galego” e para mostra constatamos como o PP converteu a nosa escola “nunha máquina desgaleguizadora”. Miles de nais e pais denuncian como os seus fillos e fillas entran na escola falando galego e saen falando castelán. Neste sentido, pediu “un novo impulso á lingua galega” e un goberno que demostre que está orgulloso da súa lingua.
O BNG, aseverou Pontón, seguirá traballando para que o galego gane espazos e ningunha persoa sinta discriminación por falar en galego e avanzar nunha política lingüística de “igualdade, liberdade e fraternidade”. Nese camiño, engadiu propoñemos “derrogar o decreto da vergoña, un novo marco normativo cara unha escola aliada co fortalecemento do idioma galego, utilizar a potencia do audiovisual para crear unha canle temática infantil en galego e un Plan de impulso do galego en todos os ámbitos pasando pola administración, os medios de comunicación, a sanidade, a xustiza e o respecto pola nosa toponimia”.
Ana Pontón recalcou que o 17 de Maio reivindicamos “o orgullo” de ter unha lingua propia que nos une e urximos ao goberno a non seguir “remando á contra”
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
