Viveiro, 17 de maio, 2022.
QUE É UNHA EXPOSALUD?
O programa Exposalud é un programa de saúde preventiva que tenta promover un estilo de vida saudable.
A primeira exposalud en Europa foi realizada en 1999 e desde entón, realizáronse máis de 900 exposicións en toda Europa. En España, a primeira Exposalud realizouse no ano 2006 en Sevilla e desde entón foise realizando regularmente en distintas cidades do país.
POR QUE É NECESARIA?
Segundo a OMS, as enfermidades crónicas son e serán a gran carga dos sistemas sanitarios. As enfermidades cardiovasculares, o cancro, a enfermidades respiratorias e a diabetes son as principais causas de mortalidade no mundo. Estas enfermidades asócianse a uns factores de risco como son o colesterol elevado, a obesidade, o sedentarismo, o tabaquismo, o alcoholismo, #o #estrés e a ansiedade.
Segundo a OMS, unha alta porcentaxe destas enfermidades pode previrse mediante a redución dos seus 4 factores de risco fundamentais: o tabaquismo, o sedentarismo, o uso nocivo do alcol e as dietas malsanas.
De aí a importancia da prevención. A idea é concienciar e educar á poboación sobre a importancia dun estilo de vida saudable.
COMO SE DESENVOLVE?
Este programa fundaméntase nos 8 elementos craves para a saúde, seguindo a regra mnemotécnia A.D.E.L.A.N.T.E. (Aire, Descanso, Exercicio, Luz solar, Auga, Nutrición, Temperancia (equilibrio) e Esperanza.
Consta de 8 casetas ou exposicións, sobre 1 tema relacionado coa saúde. En cada caseta, un equipo ofrece unha proba para valorar o estado do visitante e danse consellos de saúde sobre como aplicar á vida diaria hábitos saudables.
O resultado é avaliado por profesionais que ofrecen consello e orientación. Cada sesión da Exposalud termina cunha conferencia sobre un tema de saúde. Na Exposalud tómase a tensión arterial, pésase, mídese, calcúlase o IMC, calcúlase o % de graxa corporal, valórase a capacidade pulmonar, etc.
A Exposalud de Viveiro promete ser unha das mellores oportunidades para que calquera invista na súa saúde! Todos os exames e conferencias serán gratuítos.
O 21 de Maio nos Xardíns Noriega Varela (Paseo Marítimo) Viveiro.
De 10:30 a 19:00 da tarde.
Conferencias:
• Ás 12:00 h. COMO VENCER A DIABETES
• Ás 17:00 h. COMO EVITAR O CANCER
Organiza: Asociación Educación e Saúde AES)
Colabora: Concello Viveiro
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
