Os nacionalistas levarán propostas claras en relación co acordado nas reunións co colectivo de comerciantes
Burela, 22 de maio, 2022. O BNG ven de presentar polo rexistro do concello de Burela unha solicitude para que se convoque a xunta de portavoces e tratar nela as diversas demandas feitas pola ACIA local. O voceiro do grupo municipal do BNG, Mario Pillado, sinalou que “tivemos varias xuntanzas co colectivo de comerciantes no que nos fixeron chegar as súas demandas en relación con diferentes temáticas pero sobre todo fixéronnos moito fincapé na posibilidade dun cambio de localización para o mercado semanal”.
Continuou Pillado dicindo que “o certo é que cando se mudou a súa situación, nos entendemos que se trataba de algo provisional por mor do Covid e insistímoslle ó goberno local que debía sentarse a escoitar os colectivos afectados e chegar a unha solución que fose a mais axeitada. Agora a nosa proposta, a única seria e en firme que se fixo ata o de agora, é que os técnicos municipais informen sobre a viabilidade de levar o mercado semanal ás prazas do Concello e da Mariña, evitando así problemas cos veciños e ata que o goberno atope unha situación definitiva”
Dende o BNG cren que o goberno local non fixo os deberes respecto a este tema.
Para o voceiro do BNG “esta problemática non é nova, xa existía antes do Covid; a localización do mercado semanal levaba tempo en cuestión e xeraba controversia entre a veciñanza. O alcalde e o seu equipo deixaron pasar unha oportunidade de case dous anos para traballar nese ámbito e atopar solucións, ignorando as nosas propostas coma de costume. Era previsible que agora este tema volvera á actualidade municipal e resulta bastante elocuente que sexamos nos quen solicita unha xunta de portavoces para tratar o tema, algo que debera ter feito o señor Llano dende fai tempo”
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
