Ribadeo, 16 de maio de 2022. O Concello de Ribadeo creará un aparcadoiro na esquina entre a Rúa Nova e a Rúa do Pipelo. O proxecto, que contará con financiamento da Área de Medio Rural da Deputación de Lugo, permitirá habilitar 70 prazas de aparcamento a carón do centro histórico, a escasos metros do Pazo do Ibáñez, segundo anunciou esta mañá o alcalde, Fernando Suárez.
O rexedor declarou: “sabemos que o casco vello como todos os conxuntos históricos teñen problemas para lograr aparcamentos de vehículos e queremos buscar solucións para facilitar o aparcamento tanto á veciñanza coma os visitantes en xeral e reducir o tránsito de vehículos nas rúas do casco histórico”.
Suárez Barcia explicou que “levamos varios meses traballando para poder dispoñer dunha serie de parcelas no centro da vila co obxecto de crear un espazo de aparcamento e logo de conseguir a cesión temporal destas parcelas, dado que son privadas, fixémolo cos seus propietarios a través dun contrato de comodato. E encargamos aos técnicos municipais un proxecto para acondicionar este espazo amplo e poder pedir os permisos e autorizacións necesarios para levalo a cabo. De feito xa conta co visto e prace de Patrimonio de Lugo”.
O alcalde ribadense sinalou que “unha vez co proxecto xa rematado pedimos colaboración á Deputación de Lugo para poder executar esta obra, e agora cando acabamos de recibir a resolución aprobándonos esta axuda, co que podemos anunciar que este aparcamento vai ser unha realidade nos próximos tempos”.
Fernando Suárez dixo que “na execución das obras contémplase a limpeza e afirmado das parcelas, que teñen unha lixeira pendente, coa retirada da terra vexetal. A parte da superficie acondicionada pavimentarase só con saburra (zahorra) para habilitar as prazas de aparcamento, en tres filas e corredores centrais”.
O rexedor engadiu que “este aparcamento vai estar situado entre a Rúa Nova e a Rúa do Pipelo. O proxecto permitirá habilitar 70 prazas de aparcamento a carón do centro histórico e a escasos metros do Concello. Este novo servizo virá resolver moitas situacións de incomodidade para moitas veciñas e veciños residentes facilitándolles un espazo de aparcamento próximo ás súas vivendas. E o investimento da Deputación de Lugo para estas obras son uns 44.000 euros”.
Ata os terreos nos que se situará ese novo aparcamento desprazáronse o alcalde, Fernando Suárez, os concelleiros de Turismo e Medio Ambiente, Pablo Vizoso e Jorge Díaz, e a deputada provincial responsable da Área de Medio Rural, Mónica Freire.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
