No PP cren que “é lamentable e insólito que a Deputación entre no xogo daqueles que non xestiona con rigor, como é o señor Lino Rodríguez”
Lugo, 18 de maio de 2022. O goberno provincial, presidido polo socialista José Tomé, ten demostrada unha acusada tendencia a usar distintos raseiros á hora de tratar aos concellos. Unha vez máis fai unha demostración de tal tendencia ao conceder un crédito disfrazado de subvención ao Concello de Pol que, en situación económica complicada pola mala xestión do seu alcalde, necesita máis de medio millón para poder acollerse a un programa do Goberno central, cantidade que, co compromiso de devolución, recibirá da Deputación.
O portavoz popular, Javier Castiñeira, sinala: “Dende o grupo provincial do PP preguntámonos cal será o motivo polo que o señor Besteiro, o señor Campos, Tomé e o mesmo o propio BNG levan anos exercendo de cómplices útiles das actitudes e da mala xestión de Lino Rodríguez no Concello de Pol. Tomé non condenou o último incidente do señor Lino, cun afeccionado do Portomarín (non esperabamos menos do señor Tomé), a pesar de que foi un acto suficientemente grave como para que o presidente da Deputación de Lugo recriminase a actitude do alcalde socialista, que cando menos foi moi pouco exemplarizante”.
O portavoz popular indica que “o peor é que o bipartito segue abrindo as portas da casa de todos os lucenses para que o señor Lino Rodríguez siga coa súa fuxida cara adiante no caos ao que ten sometido ao Concello de Pol”. Un claro exemplo é o que denuncia o PP por boca de Javier Castiñeira: “Como Lino deixou sen liquidez ao Concello de Pol, o goberno provincial acaba de aprobarlle un adianto de 547.669 euros, para que o Concello de Pol poida facer fronte a unha subvención que lle concedeu unha terceira administración por case 840.000 euros. É dicir, o goberno da Deputación de Lugo presta cartos ao Concello de Pol para que poida acceder a unha subvención dunha terceira administración, neste caso o Estado”.
Os populares “reciben queixas de moitos alcaldes que ven esta situación como un agravio claro e absoluto e incluso dubidamos da propia legalidade deste acordo, porque moitos concellos, especialmente os máis pequenos vense obrigados a renunciar a solicitar subvencións de gran importe porque poderían poñer en risco a tesourería municipal; neste caso, o Concello de Pol está evitando unha operación de crédito ou algo similar”.
Castiñeira declara: “É lamentable e insólito que a Deputación entre no xogo daqueles que non xestiona con rigor, como é o señor Lino; xa o fixo, involucrando en meses pasados a Tragsa no Servizo da Axuda no Fogar de Pol, que o goberno municipal non é capaz de xestionar por el mesmo; a propia empresa pública está a sufrir nas súas contas a mala xestión por parte de Lino Rodríguez, coa aprobación da Deputación de Lugo”.
Os populares piden “ao goberno da Deputación que exerza con obxectividade e que non use a institución provincial de Lugo para os seus compromisos políticos, como se está a demostrar co Concello de Pol e co seu alcalde, Lino Rodríguez Ónega”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
