Eugenia Requeijo aclara que “a Xunta non incluirá a construción dun paso inferior no alto da Gañidoira debido a que suporía unha inversión inicial estimada en preto de medio millón de euros, cando xa existen outros tres pasos inferiores en menos dun quilómetro”
Muras, 16 de maio de 2022. A voceira do Grupo Municipal do PP de Muras e presidenta local da formación, Eugenia Requeijo, defende “o compromiso do PP e da Xunta coa mellora da capacidade e da seguridade viaria da LU-540”.
A popular aclara que “o proxecto incorporou unha proposta do Grupo Municipal Popular e tamén outra das achegadas polo goberno local. Así o puiden comprobar durante a presentación do proxecto que ofreceu a conselleira o 4 deste mes en Celeiro e ao que nin o alcalde nin ningún outro membro do goberno asistiron pese a estar invitados, o que demostra a súa falta de interese”.
Eugenia Requeijo explica que “o proxecto inclúe a mellora da saída de Muras cara a Xermade e Vilalba, no entronque entre a LU-172 e a LU-540, onde presenta unha pendente pronunciada que dificulta a circulación de vehículos pesados, especialmente. Esta foi unha proposta do noso Grupo Municipal que foi estudada e aceptada pola Xunta que tamén estudou ás presentadas polo goberno local. Así, o proxecto inclúe tamén o acondicionamento dun camiño de servizo que permita a circulación de tractores e outros vehículos pola marxe desta vía autonómica sen necesidade de compartir espazo co resto do tráfico”.
A proposta para a construción dun paso inferior no alto da Gañidoira, onde se celebra a anual Feira do Poltro, “foi estudada pola administración autonómica, pero foi rexeitada debido á elevada inversión que supón – cunha estimación inicial de preto de medio millón de euros- para o seu uso nun único día ao ano no que se reforza a seguridade con efectivos da Garda Civil”. Ademais, a popular subliña que “existen outros tres pasos subterráneos en dirección Viveiro en menos dun quilómetro”. Polo tanto, os populares pregúntanse “se o interese do alcalde pola construción dun novo paso subterráneo responde ao beneficio propio; xa que as fincas da zona son propiedade da súa familia”.
“Non hai polígono en Muras porque falta documentación do Concello”
Eugenia Requeijo apunta tamén que “non pode haber conexión co polígono industrial porque non hai polígono industrial en Muras” debido a que “o goberno local non aporta a documentación relativa aos servizos urbanísticos pendentes. É máis, a zona onde está previsto acondicionar o polígono da Cabana atópase totalmente abandonada chea de toxos e xestas”.
Recentemente, a Xunta ampliou a vixencia dun informe ambiental que caducaba este ano para que o Concello non tivese que volver iniciar o procedemento e, polo tanto, evitar atrasar o proxecto que está parado á espera de que o Concello aporte a documentación requirida”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
