O proxecto para a instalación deportiva ascende a 120.000 euros, con aportacións iguais do Concello, Xunta e Deputación
Viveiro, 21 de maio de 2022. Dado o déficit de xestión que ten acreditado o goberno municipal de Viveiro, presidido pola socialista María Loureiro, non queda outra que acollerse ao consolo do vello dito que asegura que “máis vale tarde que nunca”. Isto é acaído no caso da esperada mellora do campo de fútbol de Celeiro coa construción de vestiarios. Como destaca o portavoz do PP, Óscar Rodríguez, foron necesario tres anos para que o Concello, pilotado por Loureiro, elaborase o necesario proxecto técnico. Unha vez terminado, é posible poñer en práctica o acordo a tres bandas (Concello, Deputación e Xunta) para acometer as obras indicadas. A aportación de cada parte ascende a 40.000 euros.
Rodríguez explica: “A obra de mellora do campo de fútbol de Celeiro é importante, porque carece, entre outras cousas, de algo tan necesario como son vestiarios e duchas para os equipos e para os árbitros. Podía estar feito dende hai moito tempo, pero non foi posible porque o Concello, gobernado polos socialistas, foi incapaz ata agora, e xa pasaron tres anos, de ter acabado o correspondente e necesario proxecto técnico. Unha vez máis queda de manifesto a falta de xestión do goberno presidido por María Loureiro”.
O portavoz popular no Concello explica: “A Xunta cumpre o compromiso que tiña adquirido e que non puido materializar ata agora porque o Concello non tiña proxecto. Agora o secretario xeral de Deportes, José Ramón Lete, acaba de confirmar a aportación de 40.000 euros para as obras no campo de fútbol de Celeiro. Dende o PP de Viveiro agradecemos á Xunta a paciencia que demostrou co Concello de Viveiro, porque é inexplicable que precisara tres anos para dispoñer dun proxecto tan pouco complicado como é este”.
Rodríguez tamén di: “Unha vez máis está clara a falta de capacidade de xestión do goberno presidido por Loureiro. E tamén a disposición da Xunta para colaborar en canto pode co municipio de Viveiro, para favorecer aos veciños”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
