Burela, 14 de maio, 2022. O Pescados Rubén Burela vén coa moral polas nubes despois do seu triunfo copeiro e esta tarde de sábado en Vista Alegre vence ao Atlético Torcal 2-0 nesta 26 xornada de Primeira RFEF Feminina de Futsal. As guerreiras non queren parar de gañar ata que se xogue o último partido de tempada.
O partido empezaba cun Torcal moi serio en pista, e a pesar da diferenza na táboa clasificatoria, sabía o que se estaba xogando neste partido e non ía regalar nada. As laranxas non conseguían precisar en ataque, e calquera xogada con mínimo perigo o Torcal solucionábaa. Ían aguantar bastante o marcador ata chegado o minuto 10, onde Ale de Paz abría o marcador. Dous minutos despois, Jenny ía anotar o 2-0 cun disparo fose da área.
Con isto amósase que as guerreiras non necesitan moito para facer gol, pois non estaban a profundar en exceso pero a pesar diso xa ían dous goles por diante. O resto da segunda parte o Burela mostraba mellor xogo, con oportunidades e circulacións rápidas e entre medias os visitantes só ían asustar á meta Sandra cun disparo ao traveseiro. Acabaríase a primeira parte co Burela buscando o terceiro.
Iniciaba a segunda metade co Torcal buscando recortar distancias, con todo as oportunidades non eran moi claras. As laranxas, se tiñan opcións de anotar o terceiro, xa que primeiro Bea Mateos coa portería batida non puido meter gol e seguidamente Leti cun balón ao segundo pau non lograba definir.
A partir dos últimos 10 minutos, o Burela estaba a dominar o xogo e o Torcal buscaba algún contragolpe, pero non lle duraba nada o balón. Con todo ían lograr provocar un penalti, que finalmente non conseguen converter.
Con xa con moita antelación, no minuto 33, as visitantes tentaron o xogo de cinco para reducir distancias e a partir deste intre ían ser elas as que mereceron anotar. Cambiou o partido de tornas, pois tiveron dúas ocasións clarísimas para reducir distancias, unha no minuto 35 e outra no 38 , con dous disparos que rexeita Sandra evitando o gol de forma crucial.
O partido ía acabarse co Burela tendo un disparo ao traveseiro, aproveitando ao Torcal mal posicionado, pero o marcador non se ía a mover do 2-0.
Ficha técnica
Pescados Rubén Burela: Sandra, Dany, Emilly , Ale De Paz , Irene Samper -Cinco inicial- Jenny, Lara Balseiro , Elenita, Bea Mateos, Elena Aragón, M.Cortés, e Jozi.
Atlético Torcal: Eva, Alejandra, Noelia, Tais, Cecilia, -Cinco Inicial- Nuria, Raquel, Pina, Pam e Carmen.
Goles: Min 10 Ale de Paz 1-0; Min 12 Jenny 2-0.;
Equipo arbitral: AMOR VIZOSO DARRIBA VILLAMOR DE LUIS IGLESIA, I. DE LUIS IGLESIA, A. Cartón amarelo a Eva.
Incidencias: Partido correspondente á xornada 26 de Primera División RFEF Futsal Femenina, disputado no pavillón Vista Alegre
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
