Foz, 1 de maio de 2022. O Secretario Xeral do PSdeG na provincia de Lugo, José Tomé Roca, participou este domingo na celebración do Primeiro de Maio en Bispo Santo, no concello de Foz, un tradicional encontro que os socialistas recuperaron tras dous anos de pandemia.
“É un pracer estar aquí, a primeira ocasión que teño de facelo como Secretario Xeral, e volver a esa normalidade que todos e todas ansiabamos”, subliñou Tomé Roca, destacando que, precisamente, “este é un dos meus compromisos do congreso” no que se renovou a dirección provincial do partido, “estar cos compañeiros e compañeiras, no territorio”. “Xa fixemos algunha reunión desde o congreso aquí na comarca, e faremos moitas máis. En todas as comarcas fan falta, pero aquí na Mariña creo que vai facer falta algunha máis porque temos que activar unha oposición á mentira do PP contundente. Non é admisible que nos mintan e nos queiran enganar da maneira que o están facendo. Vamos ter que traballar duro, pero estou seguro de que os veciños e as veciñas da Mariña o van a entender e nos van a apoiar cando toque”.
José Tomé aludiu neste sentido á situación da industria na comarca. “Para os socialistas é unha boa noticia que se instalen empresas en calquera dos 67 concellos da provincia de Lugo”. “Dámoslle a benvida a todos os investimentos e aos postos de traballo que se creen na nosa provincia”, recalcou o Secretario Xeral do socialistas en relación á implantación de Altri.
Sen embargo, engadiu, “a Xunta manifestou por activa e por pasiva que Altri sería para A Mariña e mesmo lle chegou a poñer unha ubicación. Chegaron a falar de que se instalaría no concello de Cervo”. Polo tanto, aseverou, “non estamos inventando nada” e “hai que ter pouca vergonza cando o PP acusa ós alcaldes e alcaldesas da Mariña de mentir, como acaba de facer, porque, se alguén minte, se alguén engana, se alguén manipula, e se alguén traizoou foi o Partido Popular á Mariña. Que non nos veñan con contos”.
Ninguneo aos mariñanos
“Feijóo estivo xogando coa Mariña” no que respecta á implantación de Altri e “ninguneou ós alcaldes e alcaldesas e, como consecuencia, a todos os mariñanos”. Neste sentido, o Secretario Xeral dos socialistas lucenses lembrou que os rexedores “pedíronlle unha simple reunión, e nin sequera os escoitou. E non o pediron unha vez, senón tres veces, e as tres veces se traspapelaron os papeis. Debe ter un problema no caixón que os papeis escapan del. Iso simplemente é un ninguneo a todos os mariñanos, porque cando ningunean ós alcaldes e alcaldesas, están ninguneando a todos os mariñanos e mariñanas”.
Feijóo foi a Alcoa só facerse fotos e por Vestas nin apareceu
Tomé Roca incidiu así mesmo que Núñez Feijóo “utilizou politicamente Alcoa hasta máis non poder”. “Fixo non sei cantas visitas e fotos. Iso si, sen aportar nin ideas, nin cartos, como fai o Goberno vasco, por exemplo, a diferencia da Xunta de Galicia”. Non achegou investimentos, engadiu, pero, en cambio, “non dá gastado os cartos que ten no IGAPE, non sabe como executalos, e prefire devolver os fondos a Europa”. Lembrou que o Goberno galego deixou sen executar “o 51% do diñeiro que recibiu de Europa entre o ano 2014 e 2020, como se aquí non houbera onde investir o diñeiro”.
José Tomé recalcou que, fronte á inacción da Xunta, foi o Goberno de España “o que solucionou o problema de Alcoa. Foi o que conseguiu que a empresa non se saíra coa súa, que haxa continuidade para o futuro e que se vaia investir para modificar os sistemas de produción. Iso non o fixo o PP, nin Feijóo. Por iso agora están calados”.
O Secretario Xeral tamén se referiu ó ocorrido con Vestas. “Alí non foi nin Feijóo, nin Conde, nin Rueda, ningún deles. Que pasa, que os 125 postos de traballo de Vestas son distintos a outros postos de traballo que se perden na industria? Non teñen a mesma importancia e valor? O que pasa é que neste caso a competencia e a responsabilidade era da Xunta de Galicia, e por iso escaparon”, asegurou.
Por todo iso, subliñou, “o PP deulle as costas á Mariña. Creo que ninguén o dubida. E temos que traballar para que dentro de un ano os veciñas e as veciñas da Mariña lle dean as costas ao Partido Popular porque, se conseguimos iso, haberá alcaldes e alcaldesas socialistas que repiten e outros novos e, polo tanto, iralle mellor á Mariña e ao conxunto da provincia”.
José Tomé reivindicou unha vez máis un Plan Industrial para a comarca da Mariña e para a provincia. “Hoxe sae publicada unha entrevista do Conselleiro de Industria falando dos eucaliptos, como se os coidara el, do Plan de Turismo para A Mariña, como se non o aprobara o Goberno de España, ou de Alcoa, como se non arranxara o problema o Goberno de España. Por que non fala dun Plan Industrial para A Mariña e para a provincia? Onde está a Xunta de Galicia? Que investimentos reais fixo aquí? Iso é o que tiña que dicir na entrevista”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
