Cervo, 2 de Xuño de 2022. A asociación SAÚDE MENTAL “A Mariña” celebrará esta tarde, 2 de Xuño, unha “festa de Sabores” no novo inmoble da entidade, sito na Plaza do Souto, en Cervo.
O evento, que terá lugar na illa e na terraza do inmoble, se o tempo o permite, e senón no seu interior, comezará a partir das 16:30 horas, ao que acudiremos 82 persoas.
Evento no que se reunirán por primeira vez dende o inicio da pandemia os usuari@s dos dispositivos de Burela, Cervo e Ribadeo, así como os usuarios do novo dispositivo de Viveiro con técnicos da entidade.
Festa de Sabores, é o lema elexido para ese día, xa que haberá “sabor” a compañerismo, unión e fraternidade despois de tanto tempo sen xuntarnos por mor da pandemia.
Sabores musicais, xa que contaremos coa Banda de Acordeonistas da Mariña, a quen lles debemos de agradecer a súa gran colaboración para o noso colectivo.
E como non, sabores culinarios, xa que contaremos con unha merenda elaborada especialmente para a ocasión na que degustaremos as galletas “Sabores do Mar, Saboreando a Vida”, entre outros manxares.
Asimesmo, os usuari@s da entidade poderán seguir dedicando libros de “A Súper_Acción de Mauricio” ós técnicos xa que o gran evento de presentación do noso conto o pasado día 23 superou as nosas expectativas en canto ó gran poder de convocatoria que tivo.
O broche final poñerao o noso Presidente, Jorge Manchado, quen fará de contacontos ademáis de mago (a súa gran faceta) para que coñezamos a gran superación de Mauricio e manteñamos a ilusión de seguir creando.
Ilusión que contamos contaxiar o próximo día 10 de Xuño na Cidade da Cultura de Santiago de Compostela, xa que contaron con nós para participar no festival de proxectos da New European Bauhaus.
A Directora Técnica Xeral e Xerente, María José Nóvoa, quere agradecer especialmente á Consellería do Mar, así como á Consellería de Sanidade a súa colaboración para que este evento sexa unha realidade; “contribuíndo, coa súa sensibilidade, a visibilizar as enfermidades mentais e a loitar contra un estigma social que aínda se detecta na nosa sociedade” e quere facer unha mención especial tamén ó Concello de Cervo así como ós Acordeonistas da Mariña.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
