Lugo, 28 de xuño de 2022. A directora da Axencia Galega de Innovación, Patricia Argerey, animou hoxe ás pequenas e medianas empresas da provincia de Lugo a dar o paso de innovar na benvida á xornada informativa sobre a nova liña de axudas Bonos de Innovación celebrada de xeito presencial en Lugo e en modalidade en liña, en colaboración coa Confederación de Empresarios de Lugo (CEL) no marco da iniciativa Conecta Lugo. Na xornada participaron tamén representantes das empresas lucenses Aresa e Himikode, beneficiarias da orde de axudas InnovaPeme, que expuxeron a súa experiencia nunha mesa redonda.
Argerey apuntou que a innovación é a esencia da competitividade e permite ás pemes diferenciarse, achegar valor, adaptarse á contorna e medrar. Para apoiar ás pemes neste proceso, a Xunta de Galicia, a través da Axencia Galega de Innovación, acaba de convocar os Bonos de Innovación, unha liña de axudas dirixida precisamente a autónomos, micro, pequenas e medianas empresas que queiran comezar a innovar e que precisen facelo dun xeito inmediato para dar resposta ás súas necesidades.
Este novo instrumento, cuxo prazo de solicitude está aberto ata o vindeiro 11 de xullo, completa o mapa de apoios á I+D+i da Xunta de Galicia, abranguendo todas as etapas do proceso innovador e todos os axentes do ecosistema. O programa cobre o 70% dos custos de contratación de servizos profesionais externos (prestados por consultorías, entidades certificadoras, centros tecnolóxicos, provedores tecnolóxicos, etc), que permiten reforzar as capacidades internas da empresa mellorando a súa competitividade.
Algúns exemplos de tipos de actividades que apoian os Bonos son testar un novo produto ou servizo antes de industrializalo ou lanzalo ao mercado, estudar ou validar tecnoloxías que poden facer máis eficientes os procesos ou engadir valor aos produtos ou servizos, presentar solicitudes a convocatorias estatais e internacionais de financiamento da I+D+i, tramitar deducións fiscais á I+D+i, certificar sistemas de xestión e organización da innovación, patentar ou obter modelos de utilidade de produtos ou obter ou renovar o selo de peme innovadora, entre outras actividades.
Esta nova liña de apoio enmárcase no Programa de Impulso á Innovación das Pemes, que ten como obxectivo promover a innovación como esencia da competitividade das pemes galegas e superar os obstáculos para innovar. Outras actuacións postas en marcha no marco deste programa son, por exemplo, as xiras de encontros Camiño da Innovación e Camiño de Futuro, realizadas por toda a xeografía galega achegando os instrumentos de apoio e casos de éxito ás pemes de núcleos rurais de sectores tradicionais; activación de liñas de axuda pensadas para empresas tradicionais que queren empezar a innovar (como ReAcciona, InnovaPeme, DeseñaPeme e esta de Bonos de Innovación); actuacións de difusión da cultura innovadora; xeración de contidos formativos e realización de asesoramentos personalizados.
Por último, Argerey apuntou que os Bonos, cuxo trámite de solicitude é moi sinxelo, están concibidos como un paso previo a abordar actuacións máis integrais e que requiren dun maior esforzo investidor, como os plans de innovación do Programa InnovaPeme. Entre ambas liñas “definimos un itinerario de apoio que responde á heteroxeneidade do tecido empresarial e dá resposta ás diferentes etapas da innovación ata converterse en valor no mercado”, sinalou.
A directora da Axencia Galega de Innovación adiantou que o número de solicitudes recibidas de empresas da provincia de Lugo na última convocatoria de InnovaPeme duplicou ás de 2020, pasando de representar un 5 a un 13% do total. Argerey sinalou que este dato pon de relevo que o esforzo realizado en difundir as vantaxes de innovar por toda a xeografía galega está dando os seus froitos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
