A directora xeral de Emprendemento e Apoio ao Emprego, Margarita Arado, visitou hoxe a I Feira do Mercado Social da localidade da Mariña lucense, unha iniciativa coa que colabora a Consellería de Promoción do Emprego e Igualdade
Ribadeo, 18 de xuño de 2022. A directora xeral de Emprendemento e Apoio ao Emprego, Margarita Ardao, destacou hoxe en Ribadeo, na I Feira do Mercado Social, a importancia de continuar reforzando en Galicia a economía social por ser un modelo solidario, comprometido co emprego estable, a igualdade e o medio rural.
Trátase duns valores que precisamente promoveranse na feira de comercio e consumo que se celebra hoxe na localidade lucense e que conta co apoio da Xunta, a través da Rede Eusumo, creada pola Administración autonómica en 2012 como un instrumento no que colaboran axentes públicos e privados para informar, formar, asesorar e acompañar ás entidades de economía social. É, polo tanto, unha ferramenta colaborativa que cumpre dez anos neste 2022 e que se centra en impulsar iniciativas de economía social.
A través do asesoramento prestado por esta rede creáronse xa en Galicia máis de 190 entidades de economía social, que xeraron máis de 540 empregos directos. Desde a súa constitución, a Rede leva organizado 1.650 actividades formativas e informativas, ás que asistiron preto de 30.900 persoas. Asesorou, ademais, a 1.200 grupos promotores para o impulso de proxectos cooperativos, con máis de 3.000 persoas implicadas.
A Rede Eusumo, segundo Margarita Ardao, traballa na maduración de ideas e modelos de negocio de economía social, asesorando e acompañando aos promotores destes proxectos.
En palabras da directora xeral, a economía social é cada día unha realidade “máis potente” en Galicia. Só o pasado ano constituíronse na Comunidade 135 cooperativas novas co que o número destas entidades activas situouse nas 1.571. No mesmo período naceron 28 novas sociedades laborais ata acadar as 1.448. O sector representa xa o 7% do PIB galego, polo que, en palabras de Margarita Ardao, a Xunta segue a incidir na necesidade de dalo a coñecer entre os profesionais do mañá cunha aposta clara pola promoción, a creación de iniciativas e consolidación das existentes; que está a supor nos orzamentos da Consellería de Promoción do Emprego e Igualdade, unha inxección este 2022 de 35 millóns de euros.
A titular de Emprendemento e Apoio ao Emprego da Xunta, ademais de poñer en valor a Rede Eusumo e os valores que promove a economía social, sinalou que a Xunta, na actualidade, ten en activo o programa Aprol Economía Social ao que destina este ano 3,8 millóns de euros para beneficiar a 331 persoas; e nas próximas semanas está prevista a convocatoria no Diario Oficial de Galicia (DOG) das axudas dos bonos Consolida e Es-Transforma, con máis de 1,5 millóns de euros cada un, cos que se estima chegar a 200 persoas e crear 21 novas entidades.
Ademais, proximamente porase en marcha Es-Factory, un programa de aceleradoras de emprendemento que orientará e acompañará ás persoas promotoras de proxectos empresariais; e Es-Próxima, que definirá e consolidará un selo de identidade de economía social en Galicia a través de diferentes accións e co obxectivo de darlle unha maior visibilidade e difusión.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
