Lembra que o seu Concello non se presentou ao plan ‘Territorio Cultura’ dotado con 1,2 millóns de euros para reforzar a oferta cultural en pequenos municipios
Lugo, 7 de xuño de 2022. A Xunta de Galicia mantén e incluso reforza o investimento en cultura nos concellos galegos, ao tempo que pon en marcha novos programas específicos para os municipios rurais. Responde así ás críticas da alcaldesa de Trabada sobre a suposta redución de fondos do goberno Galego para actividades culturais en municipios rurais.
O delegado territorial da Xunta en Lugo, Javier Arias, asegura que “non só se mantén o investimento en Cultura senón que se poñen en marcha plans específicos como o denominado Territorio Cultura, dotado con 1,2 millóns de euros, co obxectivo claro de reforzar a oferta en municipios rurais, semellantes a Trabada. É curioso que a alcaldesa de Trabada critique a falta de investimentos, pero que non presentara ningunha solicitude para este novo programa”.
Para o delegado da Xunta en Lugo isto demostra que ”a alcaldesa de Trabada continúa coa súa política de confrontación coa Xunta de Galicia, terxiversando a realidade e pretendendo confundir aos seus veciños. Pero o certo é que a Xunta segue a investir nesta localidade nas mesmas condicións que no resto de concellos de Galicia e, lembremos, que moitos dos seus proxectos políticos nútrense de axudas que convoca o goberno Galego”.
En ningún caso estamos ante un recorte das axudas a concellos dentro do programa Cultura no Camiño xa que se mantén a cifra dos últimos anos. Arias lembra que no ano 2021 a dotación orzamentaria medrou ata 1 millón de euros, ao tratarse dunha convocatoria extraordinaria co obxectivo de axudar á reactivación cultural que estaba sendo moi afectada pola pandemia.
Sen embargo, este ano Territorio Cultura supera o investimento extra de Cultura no Camiño. Arias Fouz subliña por ultimo que “non se trata dun recorte, senón máis ben o contrario, xa que seguimos apostando por levar a cultura a todos os concellos de Galicia, tal como puido comprobar a propia alcaldesa, que asistiu ao concerto de Luar na Lubre celebrado o pasado domingo na romaxe das Cruces, e financiado pola Xunta, que celebran conxuntamente parroquias dos concellos de Trabada e Ribadeo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
