Barreiros, 30 de xuño, 2022. O Concello de Barreiros oferta este verán un programa de visitas guiadas en diferentes localizacións do municipio. A través dos mesmos quérese mostrar a riqueza ambiental e cultural do territorio máis alá das súas recoñecidas praias a miúdo asociadas unicamente a un espazo de ocio e de innegable beleza paisaxística.
Así, dende a área de turismo, pretenden facer fincapé en espazos puntuais de costa e interior ricos en patrimonio cultural e natural. O obxectivo é cambiar as gafas coas que se visitan e se goza destes lugares. Descubrir a súa orixe para aprender a valoralos e preservalos. Poñer atención nos pequenos detalles para converter en algo extraordinario aquilo que, en aparencia, nos resulta simple.
Serán un total de dez visitas guiadas que terán lugar ao longo dos meses de xullo e agosto
Por unha banda, os alumnos e monitora do obradoiro de emprego Territorio Vivo amosarannos O Fráxil Fogar da Píllara das Dunas na contorna do sistema dunar de Altar. Será unha visita participativa dirixida a tódolos públicos, mesmo para os máis pequenos, na que se tocarán temas como os valores ambientais da ría de Foz-Masma, a formación e biodiversidade deste sistema dunar e da praia, e ademais falarase dunha ave especialmente ameazada que precisa da nosa colaboración para a súa supervivencia.
Por outro lado, da man do xeólogo Francisco Canosa percorreremos unha parte do litoral de Barreiros e descubriremos, de maneira didáctica e accesible a tódolos públicos, as orixes das rochas que pisamos e que enmarcan as nosas praias. Un paseo entre furnas, pregues, intrusións de rochas magmáticas e mesmo restos fósiles que non nos deixará indiferentes.
Finalmente, achegarémonos ao Santo Estevo do Ermo para vivir unha inmersión na natureza, e retroceder milleiros de anos somerxéndonos na súa historia, patrimonio material e inmaterial e nas orixes dalgunhas das especies que aquí atopamos. Estará guiada pola técnica de turismo municipal.
Todas as rutas son gratuítas. As persoas interesadas poden consultar toda a información e inscribirse na recentemente estreada páxina web de turismo municipal www.barreirosturismo.gal (sección ”Non te perdas”). Para resolver dúbidas poden contactar coa Oficina de Turismo municipal, teléfono 982 134 400.
Dende o Concello agardan seguir dando pasos para ampliar a imaxe turística de Barreiros e poñer así en valor o patrimonio que, ás veces, semella estar agochado e que, sen embargo, se atopa moi presente entre todas e todos nós.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
