Castiñeira sae ao paso das acusacións que lle fixo o alcalde e di: “Estou sempre a disposición do meu pobo e todo o que veña para Foz e sexa positivo ben vido sexa, pero poñendo por diante a legalidade e as formas correctas”
Foz, 29 de xuño de 2022. O alcalde de Foz, o socialista Fran Cajoto, ten unha inmoderada querencia polo recurso á demagoxia e ao ataque persoal, dous modos de estar en política que definen con claridade a quen os utiliza. O portavoz popular, Javier Castiñeira, sae ao paso das “graves acusacións do señor Cajoto, que di que me dedico a intentar boicotear as obras do Concello; dende logo que nada máis fóra da realidade, como lle consta á xente que me coñece e que sabe o que levo traballado polos meus veciños; esa xente non pode crer iso”. Sinala: “Cajoto equivócase, porque é o xulgado o que di que non pode contratar a Tragsa porque a Deputación incumpriu a lei”
Castiñeira lamenta “que o alcalde intente ir ao honor persoal, cando a política é outra cousa”. Manifesta: “O que si lle dicimos ao alcalde é que, se vai contratar a Tragsa, que o faga de forma legal. Sabe perfectamente que existe unha sentenza na que o xulgado di que a Deputación de Lugo non forma parte de Tragsa porque non se fixo ben o procedemento e ata que se faga ben a Deputación non ten parte en Tragsa e os concellos non poden facer uso dela”.
O portavoz popular fai unha suxestión ao alcalde: “Nesa circunstancia, se Cajoto ten algo que recriminar, que llo recrimine ao goberno da Deputación de Lugo, que non fixo ben as cousas. En todo caso, se quere contratar a obra do aparcadoiro, coa que o PP está absolutamente de acordo, que o contrate a outro medio, pero que o faga de forma legal. A día de hoxe, e non o di o PP, nin Javier Castiñeira, os concellos non poden contratar a Tragsa porque legalmente non é medio propio da Deputación”.
Castiñeira avisa: “Non lle permitimos que terxiverse a realidade e faga demagoxia buscando única e exclusivamente un discurso bonito. Entendo que algún palmero lle pode dar a razón; o resto da xente que viven en Foz coñece as formas de traballar de uns e doutros”. Engade: “Javier Castiñeira está sempre a disposición do seu pobo e todo o que veña para Foz e sexa positivo ben vido sexa, pero poñendo por diante a legalidade e as formas correctas e non as chambonadas como pretende facer o equipo de goberno contratando a Tragsa cando un xulgado non o permite”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
