O sindicato propón incrementar os servizos ferroviarios de proximidade na comarca, con conexións intermodais mediante autobús na estación de Burela que conecten co Hospital da Mariña e institutos
Santiago de Compostela, 20 de xuño de 2022 Na mañá de hoxe, unha representación de CCOO reuniuse co alcalde de Ribadeo, Fernando Suárez, para tratar a situación da liña ferroviaria de ancho métrico que atravesa a a comarca da Mariña. A delegación sindical estivo formada polo coordinador do sector Ferroviario de CCOO, Gregorio Bermejo, a secretaria xeral comarcal de CCOO, María José Novoa, e membros das seccións sindicais de CCOO en Adif e Renfe.
Segundo CCOO, desde hai «moitos anos», pero especialmente desde que Feve se integrou en Adif e Renfe, os investimentos «limitáronse a actuacións puntuais de mantemento». Proba disto é que existen limitacións de velocidade desde hai máis de vinte anos e cando hai temporais prodúcense numerosos incidentes en trincheiras e zonas de árbores.
Impulsar a intermodalidade
En opinión de CCOO, a oferta de servizos ferroviarios é insuficiente para a comarca, xa que só hai catro servizos por sentido e día entre Ferrol e Ribadeo, dous dos cales son conexión con Asturias. O sindicato pide realizar xestións para incrementar a oferta cun servizos de proximidade que, nalgún caso, terían que ser entre Ribadeo e Viveiro para atender as necesidades de estudantes, traballadores e demais usuarios.
O sindicato tamén demanda impulsar a intermodalidade mediante conexións en autobús na estación de burela para conectar co Hospital da Mariña e os institutos.
Incidencias nos servizos
Na xuntanza tamén se falou dos investimentos previstos, entre os que destaca a instalación do bloqueo automático (BLAU) entre as estacións de Ortigueira e Ribadeo —con continuación ata Cudillero, xa en Asturias—, o que provocará a desaparición do persoal de circulación das estacións, unha nova localización do apeadeiro de Barreiros e a construción dun apeadeiro á altura da praia das Catedrais.
Sobre isto último, Suárez sinalou que as xestións co Adif están «bastante estancadas», polo que CCOO se ofrece a pedir unha reunión coa dirección da empresa para axilizalas.
CCOO tamén informou o alcalde ribadense sobre as numerosas incidencias que se producen nos servizos ferroviarios, con supresións de liñas e transbordos. Isto débese a que unha parte da frota que se usa ten moita antigüidade, ao tempo que os trens máis novos «sempre deron moitos problemas por deseño de fabricación», ao que hai que sumar o «deficiente» mantemento pola falta de persoal e repostos.
Cambios na autovenda
Outro dos asuntos tratados é a licitación —por parte de Renfe— da substitución das máquinas de autovenda das estacións de Viveiro, Burela e Ribadeo por outras con conexión cun teleoperador. Farao unha empresa externa, o cal implica que non haxa persoal ferroviario de atención comercial presencial en toda a liña, «cuestión que prexudica especialmente aos usuarios de idade avanzada», advirte o sindicato.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
