Burela, 29 de xuño, 2022. A Organización de Produtores Pesqueiros do Porto de Burela organizou este mércores en Madrid unha presentación de Merluza D& Burela dirixida a toda a cadea de valor privada, na que participaron representantes dos produtores pesqueiros, exportadores, maioristas e minoristas, peixarías e restauración.
Durante este encontro, que se realizou en colaboración con Armadores de Burela e a Asociación de exportadores de peixes e mariscos, desde a OPP-7 analizáronse os principais retos aos que se enfronta a cadea de valor do peixe fresco, fundamentamente a pescada do pincho, principal especie de interese do porto de Burela.
Este acto tamén serviu para dar promoción e visibilidade á recente certificación coa ecoetiqueta Pescaenverde, que converten á frota de palangre de fondo de Burela na primeira frota de altura certificada polo seu baixo impacto ambiental.
O 100% da frota que pesca a pescada do pincho de Burela en augas europeas cumpre os cocientes impostos para a devandita certificación, cunha baixa pegada de carbono (6,86 kg CO2 eq/Kg) e unha alta taxa de retorno enerxético (5,2% enerxía proteica).
Este acto divulgativo tivo lugar no Restaurante INNSIDE Madrid Gran Vía by Meliá, onde os asistentes puideron degustar un menú especial elaborado con pratos de dous dos principais emblemas do porto de Burela: a pescada do pincho e o bonito do norte: Empanada de Bonito de Burela; Salpicón de Merluza D& Burela; Fish and chips de Merluza D& Burela con alioli de allo negro; Tataki de Bonito de Burela con caviares de aguacate, mango e pemento de Padrón; Merluza D& Burela con chícharos.
O obxectivo deste tipo de encontros é o de poñer en valor as diferentes accións de promoción e logros de MERLUZA D& BURELA, ademais de establecer un marco de diálogo e análise entre todas as partes que forman a cadea de valor do produto pesqueiro.
Esta acción da Organización de Produtores Pesqueiros do Porto de Burela inclúese no seu plan de produción e comercialización, realízase en colaboración con Armadores de Burela e está cofinanciada pola Xunta de Galicia e o FEMP.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
