Reclaman ao Goberno que “concrete os prazos para a redacción dos proxectos e o inicio a maior brevidade das obras da A-74, entre Barreiros e San Cibrao, así como un incremento do investimento nesta autovía para o ano 2023”
Lugo, 29 de xuño de 2022. Os senadores do PP por Lugo, Rosa Arza, José Manuel Barreiro e Manuel Lorenzo Varela, insisten en demandar do Goberno presidido polo socialista Pedro Sánchez investimentos nas grandes infraestruturas da provincia, tanto no que se refire autovías como ao ferrocarril. Así o fan esta vez mediante emendas a unha moción presentada polo PSOE. Nesta liña, os populares, respecto ao ferrocarril Lugo – Ourense, demandan “que se execute a total licitación e adxudicación dos fondos orzamentados destinados á mellora e modernización desta vía, dado que o pasado ano unicamente licitáronse 382 millóns e adxudicáronse 221 dos 546 orzados”. Igualmente, solicitan “un maior esforzo inversor de fronte ao ano que vén, a ver se dunha vez conseguimos ver terminadas esas obras de mellora que, en calquera caso, non perseguen transformar a liña en alta velocidade senón unicamente adecuala para que sexa segura e estea operativa o maior tempo posible”.
Con respecto ao ferrocarril, os populares engaden un punto con respecto á proposta socialista. Ten por obxectivo “restablecer e mellorar as comunicacións e os servizos ferroviarios entre Lugo, Galicia e o resto da Península, construíndo a variante de Rubián e a ligazón de Os Peares”. Tamén para “aumentar as frecuencias e os horarios en múltiples traxectos tal e como demandan os cidadáns, restablecer a totalidade de liñas ferroviarias canceladas durante a pandemia e a atención persoal en estacións como as de Sarria, Burela, Ribadeo ou Viveiro”. Non esquecen reclamar a chegada dos trens Avril durante o mes de xullo.
O outro punto que propoñen os senadores populares é para “mellorar as comunicacións por estrada entre Lugo, Galicia e o resto da Península, executando a A-76, que arrastra un inmenso atraso tanto no proxecto dalgúns tramos como na execución doutros”. Inclúen a reparación da estradas nacionais N-120, N-640 e N-540. Destacan a necesidade de establecer o máis axiña posible alternativas para os condutores tras o derrube do viaduto da A-6 en Castro.
En canto a autovía Lugo-Santiago (A-54), os senadores lucenses lembran que “o actual Goberno dixo que ía estar finalizada en maio de 2022; despois, dixeron que sería imposible a súa finalización este ano e máis tarde que non podería quedar acabada ata 2024”. Engaden: “Este cambio de parecer produciuse en só dous meses. Este é o grao de compromiso do Goberno con Lugo. Este é o valor que lle outorgan á palabra dada. Dende o Partido Popular advertimos de que non se está detectando movemento suficiente para rematar as obras nin sequera en 2024 e que, conforme aos cálculos de investimento mensual realizados polo propio Ministerio de Transportes, a obra non se rematará ata o 2026”. Por elo, demandan “intensificar as obras nos dous tramos que restan para a finalización”. Reclaman tamén que se impulse a execución da autovía A-56.
Barreiro, Arza e Manuel Lorenzo intentan, mediante unha emenda, que o Goberno concrete os prazos para a redacción dos proxectos e o inicio a maior brevidade das obras da A-74, entre Barreiros e San Cibrao, así como un incremento do investimento nesta autovía para o ano 2023.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
