Abadín, 1 de xuño, 2022. Tres membros dunha familia de Abadín, pai, nai e un fillo menor, foron evacuados esta madrugada con síntomas compatibles cunha intoxicación por monóxido de carbono.
Mareos, vómitos e perda de consciencia foron algúns dos indicios que fixeron sospeitar aos servizos de emerxencias sobre unha acumulación de gas no interior da vivenda.
Todo sucedeu ás 4:30 horas desta madrugada no domicilio situado no lugar de Celeirote. Segundo informou o equipo sanitario a través do 112 Galicia, unha familia de tres membros presentaba un cadro médico compatible cunha intoxicación por monóxido. Faltaba, por tanto, comprobar mediante as correspondentes medicións se efectivamente a acumulación deste gas no interior da vivenda provocara o malestar da familia e mesmo a perda de consciencia do cativo. Deste xeito, os xestores do 112 Galicia pediron a colaboración dos Bombeiros de Vilalba, quen, despois de realizar a inspección necesaria, confirmaron a alta concentración de monóxino no domicilio. Un aspecto, por certo, que xa avanzaran os detectores instalados na ambulancia de Urxencias Sanitarias de Galicia-061, que se desprazou ao lugar en canto recibiron a notificación.
No interior da casa, nada parecía indicar a orixe, pois carece de subministro de gas e tampouco había fontes de calor acendidas. Sen embargo, os bombeiros localizaron unha cociña de ferro que, se ben estaba apagada, botáranlle auga, e sospeitan que isto podería ser a causa. Non obstante, nada hai confirmado ata unha revisión máis a fondo.
Pola súa parte, a dotación médica trasladou a familia ao centro hospitalario de referencia, e os bombeiros procederon a ventilar a vivenda ata recuperar os niveis de normalidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
