A iniciativa promovida por Ecoembes e a consellería de Medio Ambiente permitiu ao Concello de Burela entregar o premio do reto a esta causa social
Burela, 7 de xullo de 2022.- A Delegación de Medio Ambiente do Concello de Burela fixo entrega esta mañá dun cheque de 1.000 euros á Asociación Esperanza Contra o Cancro de Burela tras superar o desafío da campaña “Recicla e Únete ao Reto”.
A edil de Medio Ambiente, Toñi Eijo, e o alcalde de Burela, Alfredo Llano, recibiron no salón de plenos do consistorio á presidenta da entidade local contra o cancro, Nuria González, para conceder esta contía económica que veñen de conseguir pola participación na iniciativa promovida por Ecoembes e a Consellería de Medio Ambiente, entidades que tamén participaron do acto coa presenza de Manuel Vidal.
O gran contedor de “Recicla e Únete ao Reto” instalado na praza do Concello durante os meses de abril e maio permitiu á veciñanza sumarse á campaña de xeito que se alcanzaron dous obxectivos fundamentais. O primeiro deles foi concienciar á poboación da importancia de incrementar a reciclaxe dos envases lixeiros e incorporar rutinas e prácticas responsables co medio. O segundo, que se materializou hoxe coa entrega do cheque, brindou a oportunidade de doar 1.000 euros a unha entidade social do municipio.
En palabras da concelleira de Medio Ambiente, Toñi Eijo “eleximos á Asociación Esperanza Contra o Cancro de Burela porque somos coñecedores do gran labor que fan contra esta enfermidade, aportando o noso gran de area para que podan destinar estes recursos á investigación”, tal e como subscribiu a presidenta desta asociación que conta xa con preto de 400 socios.
Pola súa banda, o alcalde Alfredo Llano remarcou o apoio do concello “a este tipo de iniciativas que buscan sensibilizar á xente de que tamén as condutas individuais son importantes para poñer freo ao cambio climático, que xa se está manifestando de forma durísima e no que as institucións temos que poñer todo o noso empeño para tratar de paliar”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
