Esta xoia gastronómica gozará nas próximas semanas do seu momento de maior exaltación na capital galega do Bonito do Norte, implicando a unha grande parte de sectores da localidade
Burela, 26 de xullo de 2022. A segunda edición do Tapeo Bonito comezará na hostalería de Burela a partir deste xoves 28 de xullo e ata o domingo 7 de agosto, día no que finaliza a XXXVI Feira do Bonito que se retoma despois de dous anos de parón por mor da pandemia da Covid-19.
Neste programa organizado pola Asociación Ledicia xunto co Concello, e no que colabora ABSA, participarán un total de nove establecementos da localidade con pratos e tapas que enxalzarán esta xoia gastronómica ao longo de dúas semanas, coincidindo coa estrea neste 2022 do nomeamento da Feira do Bonito como de Interese Turístico Nacional. Veciños e visitantes poderán gozar da frescura e cualidades deste túnido, así como das dotes culinarias da hostalería burelesa, que presentarán aos seus clientes o produto con receitas tradicionais e de vangarda que potencian o seu sabor.
A vila mariñeira de Burela é a capital galega do Bonito do Norte e unha das máis importantes do mundo polo seu porto, que é un referente internacional tanto polo volume de capturas como polos métodos de pesca sostibles e respectuosos co medio. O desenvolvemento socio económico do municipio ten moito que ver con isto, polo que son moitos os axentes que se implican con esta feira de exaltación do bonito, incluíndo, como non podía ser doutro xeito, a hostalaría local.
Da imposibilidade de realizar este evento gastronómico o ano pasado polas circunstancias sanitarias, dunha crise, saíu unha oportunidade, que foi a posta en marcha das I Xornadas na Honra da Feira do Bonito en bares, cafeterías e restaurantes da vila, acollido cun gran éxito e que este ano decidiuse repetir.
Locais participantes e propostas
Os nove establecementos participantes no II Tapeo Bonito ofrecerán preto de 30 pratos e tapas de bonito presentadas en distintas receitas e elaboracións.
A Lonxa presentará 5 pratos: “Bonito de Burela macerado en cítricos”, “Bonito de Burela á Lonxa”, “Rolo de Bonito de Burela”, “Ventresca de Bonito á prancha” e “Bonito de Burela á prancha”, en horario de 13 a 16 horas e de 20:30 a 23 horas, agás os domingos.
A´mares presentará tapas de “Zorza de Bonito de Burela con berberechos” e “Sorretintinos recheos de Bonito de Burela con salsa estilo A´mares”, de 20:30 a 23 horas salvo o domingo 7 de agosto.
O Restaurante Arenal porá pratos de “Bonito de Burela en salsa”, de 13 a 15:30 horas e de 20 a 23 horas, pechando só os domingos.
Na Terraza do Nordés haberá pratos de “Ventresca de bonito de Burela á brasa” e “Bonito de Burela á brasa”, todos os días da semana de 13 a 16 horas e de 20:30 a 23:30 horas.
Boas Migas servirá “Hamburguesa de Bonito de Burela con alioli de allo negro, cebola crispy, mozzarella, queixo e leituga en pan de tinta de calamar”, en horario de 13 a 16 horas e de 20:30 a 23:30 horas todos os días de semana.
Casa Miranda tamén participará, desvelando próximamente as súas receitas.
Contraste Food & Drinks porá como tapas o “Bonito de Burela en salsa de tomate” e o “Salpicón de Bonito de Burela con gambas”, e como pratos, tamén o “Bonito de Burela en salsa de tomate”, “Ventresca de Bonito á prancha con patacas fritas e ensalada” e “Hamburguesa Gourmet de Bonito de Burela con salsa de soja”, en horario de cociña agás os domingos.
O Restaurante Sargo ofrecerá tapas de “Tosta de Bonito de Burela con pementos”, “Zorza de Bonito de Burela con berberechos” e “Brocheta de Bonito de Burela”. Tamén Terán pratos de “Salpicón de Bonito de Burela”, “Empanada caseira”, “Marmitako de Bonito de Burela”, “Rolo de Bonito de Burela”, “Roda de Bonito de Burela estilo Sargo” e “Ventresca de Bonito de Burela á prancha”, servindo os pratos en horario de cociña e as tapas os xoves a partir das 20 horas.
Finalmente, no Vista Alegre terán pratos de “Salpicón de Bonito de Burela”, “Raxo de Bonito de Burela e “Bonito de Burela en salsa de allí”, de 13 a 15:30 e de 20 a 23:15 horas todos os días.
O Concello de Burela pon a disposición de todas as persoas interesadas a información completa con fotografías a través da seguinte ligazón: https://burela.org/gl/ii-tapeo-bonito# , convidando a todos os veciños, veciñas e visitantes a que visiten a hostalería local e desgusten este produto exquisito.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
