A OPP-7 tacha de manipulación, mentiras e demagoxia a actuación por parte dun grupo de activistas de Greenpeace, que subtraeu de forma totalmente abusiva e ilegal parte das artes de pesca dun dos seus buques
Burela, 28 de xullo, 2022. A actuación levada a cabo por parte da agrupación ecoloxista Greenpeace contra un dos nosos buques pon en evidencia as leis do Dereito Internacional do Mar e en dúbida a defensa que desde a UE faise dun buque comunitario que actúa dentro de toda a legalidade.
O ataque unilateral realizado por parte de Greenpeace á frota europea desprestixia totalmente o espírito democrático e de liberdade que promoven os socios e colaboradores desta organización ecoloxista, e ponse á altura das actuacións de grupos de “piratas” organizados que atentan en altamar contra a actividade de buques pesqueiros e comerciais da UE e que desgraciadamente se está denunciando de forma reiterada.
Os nosos buques son os primeiros defensores da actividade pesqueira a través dunhas boas prácticas, respectuosas, legais e sostibles dentro de todos os ámbitos, e que protexan o noso medio mariño, que ao cabo é o que nos proporciona un medio de vida sustentable e o mellor alimento e proteína para dar á nosa poboación mundial. E denunciamos calquera actividade ilegal que atente contra o noso medioambiente, convidando a todas as partes a sumarse a esta consideración.
Todos os buques da frota española faenan en zonas de pesca autorizadas, cumprindo cos requirimentos acordados polos organismos internacionais e a Unión Europea. Por iso, instamos a denunciar as actuacións unilaterais desproporcionadas e carentes de legalidade, como a que acaba de realizar Greenpeace, e solicitamos o amparo da UE na defensa dos nosos buques que realizan a súa actividade dentro dos máis rigorosos estándares mundiais de control e regulación.
A nosa frota desenvolve a súa actividade mesmo por encima dos máis estritos controis que ordena a UE, rexistrando a súa actividade a través de programas de vixilancia e control, cos documentos e licenzas regulamentarias que o habilitan para exercer a pesca na devandita zona.
A frota española de palangre de superficie, na que se inclúe o buque, desenvolveu un programa de mellora das pesqueiras denominado FIP BLUES, co que leva a cabo a xestión da pesqueira baseándose nunhas boas prácticas ambientais, sociais e económicas.
Trabállase cada día para mellorar a recompilación de datos científicos que contribúan a un mellor entendemento do medio mariño, dos stocks e axuden a tomar as decisións correctas de ordenación da propia actividade pesqueira. Tamén levan a cabo unha formación continua dos nosos tripulantes, con cursos e talleres de mitigación de tartarugas, aves e mamíferos mariños que axudan a reducir a mortalidade destas especies.
Finalmente solicitamos aos medios de comunicación a súa colaboración para desenmascarar a estratexia internacional levada a cabo de maneira continuada por certas ONG en contra de determinadas pesqueiras, contrastando a información desvirtuada que chega procedente destas organizacións e que pode xerar unha gran repercusión e impacto negativo para toda a frota española e europea.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
