Ribadeo, 7 de xullo de 2022. O xerente de Acisa Ribadeo, Jesús Pérez, asegura que as expectativas de negocio para o VII Ribadeo Indiano son moi boas e agarda que esta edición sexa mellor que a de 2019. Desde a asociación empresarial ribadense animan tamén á veciñanza a decorar as súas ventás e balcóns para contribuír a crear un grande ambiente indiano do 8 ao 10 de xullo.
O xerente de Acisa dixo que “xa Ribadeo, podemos dicir, que ten todo a punto para este Ribadeo Indiano, estamos a decorar os últimos detalles de rúas, de prazas, de diferentes sitios da nosa vila, e os establecementos hostaleiros e o comercio tamén se está engalanando con bandeiras, flecos, palmeiras, flores… Desde Acisa gustaríame poder animalos a todos eles, establecementos asociados e non asociados para que decoren as súas terrazas, os seus escaparates, as barras, as fachadas… Creo que este é un evento que precisa tamén desa ambientación, desa decoración que anime a xente, que de alegría e eles, no caso dos socios, teñen moito material á súa disposición e os non asociados tamén o están conseguindo. Eu creo que é una parte moi esencial por iso quero facer hoxe fincapé nesta mensaxe, en que todos os establecementos, dalgunha forma pequena ou grande, se animen e decoren para ambientar Ribadeo”.
Pérez Prada tamén pide á veciñanza que decore balcóns e ventás: “a veciñanza ten un papel tamén moi fundamental, porque durante estes días pode tamén decorar os seus balcóns as súas ventás especialmente nas rúas peonís, estamos a falar das rúas comerciais como Reinante, San Francisco, Rodríguez Murias, San Roque, nas baixadas ao porto… nesas zonas onde os edificios ou casas non son moi altos e se pode facer un traballo de decoración moi bonito para complementar esa que facemos dende a organización, dende o Concello e dende Acisa. Polo tanto tamén esa mensaxe aos veciños e veciñas da vila, para que aínda que sexa con tres ou catro flores no seu balcón, con algo na porta, que poidan complementar a decoración que facemos. Eu creo que pode ser algo tamén interesante que pode dar un resultado moi bo”.
O xerente de Acisa subliñou que “tamén é importante animar á xente a caracterizarse evidentemente. Isto é un evento para ribadenses, para turistas e para visitantes, pero tamén para vivilo os e as ribadenses, que nos vistamos todos dende o venres. Animar a camareiros e comerciantes a que estean caracterizados durante estes tres días para que a vila se traslade como estamos a falar a Cuba, a Venezuela, a Arxentina ou Uruguai e teñamos ese ambiente caribeño, ese ambiente festivo que sen dúbida é parte esencial deste evento”.
Jesús Pérez indicou que as expectativas de negocio son moi boas: “a verdade é que as expectativas dende a organización son moi boas, todo hai que dicilo. Os primeiros datos que temos, que son de reservas esencialmente, están a ser moi bos, estamos a falar de hoteis practicamente cheos, de restaurantes con moitas quendas xa de comidas establecidas para poder dar abasto a toda a demanda que vai haber. Estamos a ver estes días os servizos de distribución completamente desbordados por dicilo así, porque estamos vendo como directamente se reparten palés, de cervexa, de viño, de comida… A verdade é que as expectativas son moi boas. Eu creo que vai ser un moi bo Ribadeo Indianoparece ser que vai haber moi bo tempo, vai haber calor, vai haber sol. E as expectativas económicas de repercusión son altas, non podemos cifralas pero son moi altas, eu creo que similares ao 2019 e espero que sexan mellores incluso“.
E engadiu: “que ninguén deixe de vir pensando que non vai ter onde comer, que non vai ter onde facer nada, Ribadeo ten moi boa estrutura hostaleira, hoteleira e comercial, ten moi bos aparcamentos, entón que ninguén se asuste, que ninguén pense que isto vai ser unha loucura, que o vai a ser, pero vai ser una loucura bonita para recibir á xente que encherá a nosa vila estes días”.
Pérez Prada tamén lembrou que “os locais asociados a Acisa Ribadeo reparten estes días 100.000 rifas entre os seus clientes para participar no sorteo dunha viaxe a Cuba para dúas persoas. O nome da afortunada coñecerase o vindeiro domingo, 10 de xullo, despois do concerto do artista mexicana Lila Downs. Con esa dobre cita no barrio de San Roque concluirá o Ribadeo Indiano 2022”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
