CCOO reúnese cos alcaldes e alcaldesas da franxa costeira da Mariña para tratar a situación do ferrocarril de ancho métrico que discorre pola comarca.O sindicato propón un servizo de proximidade con conexións intermodais co bus na estación de Burela, para conectar o Hospital da Mariña e a bonificación dos títulos de transporte
Santiago de Compostela, 19 de xullo de 2022. En pleno debate sobre a importancia do transporte publico, e do ferrocarril de cercanías en especial, como medida de aforro enerxético ante os problemas de abastecementos e a alza de prezos dos carburantes , o anunciado polo Goberno da gratuidade a partir de setembro dos abonos de transporte en proximidades e media distancia convencional, os usuarios e usuarias do tren na Mariña non se van beneficiar da medida, xa que nas liñas de vía estreita só existen abonos multiviaxe nos tramos de proximidade e nesta en concreto só existe como tal o traxecto comprendido entre Ferrol e Ortigueira.
Desde a Unión Europea hai unha aposta polo ferrocarril como medio de transporte máis ecolóxico e sostible, e téñense que presentar proxectos para que estean incluídos nos fondos do Plan de Recuperación, Transformación e Resiliencia, entre os cales deberían incluírse os necesarios para o impulso desta liña ferroviaria.na tarde de onte, unha representación de CCOO, formada por Gregorio Bermejo Verdejo, coordinador do Sector Ferroviario en Galicia, M.ª José Novoa Villarejo, secretaria xeral da Unión Comarcal de CCOO na Mariña, Ana María Sanmiguel Gómez, secretaria xeral da Sección Sindical de Adif-Renfe na provincia de Lugo, e Sabas Martínez Rodríguez, delegado sindical de Adif en Ribadeo, mantiveron unha xuntanza cos alcaldes dos concellos da Comarca da Mariña.
Na tarde de onte, unha representación do sindicato trasladáronlles un breve informe da situación da liña, sobre todo desde que se produciu a integración de FEVE en ADIF e Renfe, pois os investimentos se limitaron a actuacións puntuais de mantemento; proba disto é que existen limitacións temporais de velocidade desde hai máis de vinte anos e cando hai temporais prodúcense numerosos incidentes en trincheiras e zonas de árbores.
Tamén informaron de que as numerosas incidencias que se producen nos servizos de viaxeiros, con supresións e transbordos, débense a que unha parte da frota que se usa ten moita antigüidade e os trens menos antigos sempre deron moitos problemas por deseño de fabricación, ao que hai que sumar o deficiente mantemento pola falta de repostos debido aos escasos orzamentos para esta zona.
Falta de persoal nas estacións
Outro dos asuntos tratados é a non presenza de persoal ferroviario de Renfe nas estacións de Viveiro, Xove, Burela e Ribadeo, que obriga os viaxeiros a comprar os billetes nas máquinas de autovenda instaladas nas estacións, cuestión que prexudica os usuarios de idade avanzada. A empresa ten a intención de cambiar as máquinas de autovenda por terminais con operadores telemáticos para a información e venda dos títulos de transporte.
Servizo insuficente
Desde CCOO cremos que a oferta de servizos ferroviarios é insuficente, xa que só hai catro servizos por sentido e día entre Ferrol e Ribadeo, dous dos cales son conexións con Asturias. Deberíanse realizar xestións para incrementar a oferta cun servizos de proximidade que nalgún caso tería que ser entre Ribadeo e Viveiro, con prolongación dalgún ata Ortigueira para dar un servizo de calidade en toda a comarca a estudantes, traballadores e demais usuarios, e aproveitar a intermodalidade cos buses na estación de Burela para conectar co Hospital da Mariña e os institutos.
Expuxémoslles que A Mariña é unha zona pola que se desprazan moitos turistas en época estival, ademais de en datas puntuais como a Semana Santa e coincidindo con eventos folclóricos e festivais musicais, polo que sería importante incrementar os servizos ferroviarios nestas datas e que se solicitase a construción dun apeadoiro xunta a praia das Catedrais, que é un dos puntos máis visitado de Galicia, polo que parece inconcibible que non teña unha parada ou ferrocarril.
Por todo o exposto, transmitímoslles esta información aos alcaldes dos concellos por onde discorre esta liña para que, a través dos organismos competentes, se realicen as reclamacións e xestións oportunas e, se procede, convocar a todos os axentes sociais para acordar as accións que se estimen convenientes co fin de conseguir un mellor servizo ferroviario, dado que o ferrocarril é un dos medios de transporte público máis sostible tanto social como ambientalmente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
