Ribadeo, 21 de xullo de 2022. Ribadeo inúndase de música esta fin de semana co festival de verán que se celebrará en Cabanela o sábado e coa actuación de Lítore Quartet no Mercado dos Domingos o 24.
A concelleira de Cultura, Pilar Otero, declarou que “a música inundará esta fin de semana a nosa vila. Despois da intensa actividade que desenvolvemos durante o VII Ribadeo Indiano seguimos coa nosa axenda cultural para o terceiro trimestre de 2022, que arrinca co festival de verán que terá lugar o sábado, 23 de xullo, en Cabanela”.
A edil ribadense subliñou: “nese espectacular marco, a carón da nosa ría, a partir das nove e media da noite poderemos gozar coa música de TéCanela, que veñen presentarnos o seu traballo Al borde de la cordura. Neste festival contaremos tamén coa presenza de Los Jinetes del Trópico. A entrada é de balde. En caso de choiva o espectáculo trasladarase ao auditorio municipal Hernán Naval”.
Pero a música na vila non comeza con este evento, senón un día antes. Pilar Otero dixo: “pero antes, este venres, 22 de xullo, a comisión das festas de San Roque e da Patroa ribadense organiza xunto a Espectáculos Pico, no aparcadoiro que está situado a carón do Juanín, a actuación da orquestra Panorama. Trátase dunha actividade coa que colaboramos desde o Concello de Ribadeo. Para este concerto a organización vai cobrar entrada. Tanto neste caso como no festival de verán do sábado, 23 de xullo, en Cabanela vaise permitir a colocación dunha barra de bar, co obxecto de recadar fondos para a organización das festas patronais de 2022”.
Pilar Otero seguiu a relatar que “o domingo haberá máis música en Ribadeo. Lítore Quartet actuará na contorna da praza de abastos o día 24 a partires das doce do mediodía para amenizar o Mercado dos Domingos, esta cita tan exitosa e demandada, que ten como protagonista ao produto local. Esta actuación está organizada polo Concello e polo Xacobeo 21/22. E pecharemos a fin de semana co concerto de piano que ofrecerá o ribadense Guillermo Cruzado o domingo ás 21:00 horas no auditorio municipal Hernán Naval. É o seu terceiro concerto en Ribadeo e nel poderemos escoitar obras de Beethoven, Granados, Chopin, Ravel ou Liszt”.
A concelleira de Cultura ribadense anima á xente a acudir a disfrutar destas propostas: “animamos a ribadenses e visitantes a gozar das propostas coas que se atoparán estes días na nosa vila. Moita música, moitas posibilidades… para todos os gustos e públicos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
