A cita dará comezo o sábado 30 de xullo, a partir das 20:30 horas, coas actuacións do Grupo Ximelga La Saya (Avilés), a Asociación Coros y Danzas Fermento (Valdepeñas-Ciudad Real) e o grupo anfitrión Mistura será o encargado de poñer o broche de ouro
Cervo, 29 de xullo de 2022. O Concello de Cervo convida a gozar do Festival Folklórico Nacional e Infantil que se celebrará en San Cibrao, na Praza dos Campos, esta próxima fin de semana, da man do Grupo Folklórico Mistura, coa colaboración da Administración local.
O alcalde de Cervo, Alfonso Villares, a edil de Cultura, Dolores García Caramés, o concelleiro de Deportes, David Rodríguez e a edil de Medio Ambiente, Mali Méndez, presentaron a cita acompañados do Presidente e profesor do Grupo organizador, Claudio López, e doutros compañeiros de Mistura.
Así, o sábado 30 terá lugar o Festival Nacional que arrincará ás 20:30 horas coa participación dos grupos Ximelga la Saya (Avilés), a Asociación Coros y Danzas Fermento (Valdepeñas, Ciudad Real) e rematará coa actuación do anfitrión, o Grupo Folklórico Mistura.
Xa o domingo 31 será a quenda dos máis pequenos/as; a partir das 19:00h actuarán os grupos: Asociación Cultural Amado Lar (Valadouro), o Grupo Folklórico Pindusa (Viveiro), o Grupo Folklórico Ledaiña (Viveiro) e rematará a sección infantil do Grupo Organizador, Mistura.
O domingo haberá ademais venta de bolos preñados e empanada, así como o sorteo de unha espectacular cesta elaborada con produtos doados polos comerciantes da zona.
O alcalde de Cervo, Alfonso Villares, quixo “felicitar ao Grupo Folklórico Mistura polo traballo que están a facer a prol da Cultura Galega, achegando, ademais o noso Folklore ás novas xeracións, velando así pola súa conservación como ben patrimonial que é”.
Villares aplaudiu así o seu labor e a súa vontade de “volver compartir con todos nós o seu talento, logo de dous anos de pandemia moi duros en todos os aspectos que nos obrigaron a facer un gran paréntese tamén na faceta cultural”.
Pola súa banda Caramés apuntou que agardamos que todo o Pobo participe nesta actividade e asista a ver un espectáculo “que é un intercambio cultural único que nos ofrece a oportunidade de ver en directo o talento de diferentes agrupacións, aos que animamos a desfrutar do noso municipio e de todo canto Cervo pode ofrecer”.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
