Balseiro lembrou que suprime paradas en 23 concellos, elimina 76 servizos interiores e deixa de prestar 1.100 rutas de autobús
Santiago, 13 de xullo de 2022. O Parlamento de Galicia aprobou hoxe a proposición non de lei do Grupo Popular, que non contou co apoio do Grupo Socialista, a través da que se pide ao Goberno de España que rectifique os criterios empregados no deseño do novo mapa concesional das liñas de transporte por estrada da súa competencia e teña en contas as peculiaridades que ten Galicia no que respecta á dispersión territorial e poboacional, promovendo a prestación de servizos de transporte interautonómicos de calidade, que garantan, cando menos, as paradas e os tráficos actuais, ademais das conexións directas existentes ata o de agora. “Non é asumible que, canto máis caros están os combustibles e cando máis necesario é para os cidadáns o transporte público, o Goberno de Pedro Sánchez faga unha política totalmente contraria e pretenda, de facto, desmantelar este servizo”, sinalou o portavoz popular de Infraestruturas, José Manuel Balseiro.
Na súa intervención, Balseiro explicou que o novo mapa concesional de autobuses de competencia estatal suprime paradas en 23 concellos galegos, que suman unha poboación de 136.000 persoas, supón a supresión de 76 servizos interiores e deixa sen prestar de xeito directo 1.100 rutas de autobús. A nivel de toda España, elimina o 47 por cento das rutas, rebaixa nun 74 por cento os municipios con parada e merma nun 31 por cento os quilómetros que percorre de media cada vehículo.
“O Goberno de España defende e promove un modelo de servizo público de mobilidade que da prioridade aos criterios económicos fronte á rendibilidade social e fronte ao equilibrio territorial”, lamentou o portavoz de Infraestruturas, quen anotou que “condena á morte aos servizos de media distancia e dificulta considerablemente a mobilidade interior e da zona rural, ao reducir os servizos de autobús intercomunitario”.
RECUPERAR OS SERVIZOS DE ANTES DA PANDEMIA
José Manuel Balseiro manifestou que a esta situación engádese que “o Goberno de España non recuperou aínda na súa totalidade os servizos de tren e autobús que había antes da pandemia”, polo que subliñou “o negativo e incoherente que é reducir a oferta e a calidade do transporte público no momento actual, cando máis o necesitan os cidadáns polo incremento do prezo dos combustibles”. “Lamentablemente, vemos que o Goberno de España aposta cada vez máis por un transporte menos público e menos colectivo”, dixo.
Por último, Balseiro lembrou que a Xunta e os concellos afectados acordaron o pasado día 4 pedirlle ao Goberno de España a retirada do novo mapa estatal de concesións de autobús, “unha postura común que o Goberno galego xa trasladou á Conferencia Nacional de Transportes, porque todos os galegos teñen dereito a un transporte público de calidade, que garanta a igualdade e que contribúa a reducir o consumo de combustible”.
Esta oposición ao novo mapa concesional de autobuses de competencia estatal tamén é compartida por outras comunidades autónomas como Castela e León, Aragón ou Andalucía.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
