O Grupo Municipal Popular xa ten advertido no mes de abril da necesidade de levar a cabo o bacheo das estradas municipais e máis recentemente advertía da falta de desbroce e limpeza en San Cosme e na Anguieira
Barreiros, 13 de xullo de 2022. O Grupo Municipal Popular de Barreiros solicita ao goberno local a limpeza e acondicionamento da zona urbana da parroquia de San Pedro de Benquerencia. Os populares trasladan así as queixas dos veciños ante “o estado de abandono absoluto” desta zona turística que concentra distintos establecementos -hotel, bar, cámping…- que dan servizo aos que visitan Barreiros durante o verán.
“As beirarrúas da rúa Moas e os seus arredores están cubertas de silvas que impiden o tránsito dos peóns. Polo tanto, os veciños teñen que andar pola estrada precisamente agora no verán cando máis tránsito de vehículos rexistran as pistas da zona do litoral, o que supón un maior risco”, segundo considera o voceiro, José Manuel Gómez Puente.
O popular engade que “non hai bombillas nas farolas, os contedores están en mal estado e o tránsito de vehículos na zona do cámping de Benquerencia tamén é dificultoso polos numerosos baches na zona”. Precisamente, dende o Grupo Municipal Popular xa advertiran o pasado mes de abril ao goberno local do BNG da necesidade de levar a cabo un bacheo nas vías municipais.
“Coa zona debidamente acondicionada e limpa, sería máis atractivo acudir aos locais comerciais e hostaleiros, un sector prexudicado nos últimos veráns debido á pandemia da covid-19”, segundo defende o voceiro.
Xestión deficiente dos traballos de acondicionamento municipal
Os populares esixen “máis axilidade” ao goberno local á hora de xestionar os traballos de limpeza e mantemento dos espazos públicos municipais para conservalos en bo estado de uso para o disfrute dos veciños e ofrecer tamén unha boa imaxe aos visitantes.
O Grupo Municipal Popular tamén chamaba a atención do equipo de goberno nacionalista o pasado mes de xuño sobre a presenza de maleza que dificultaba o tránsito polo casco urbano de San Cosme e, recentemente, reclamaba tamén rozar e acondicionar a área recreativa da Anguieira que tamén presenta pintadas.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
