Ante a escaseza de persoal e a imposibilidade legal de contratar persoal de apoio, a intervención do equipo existente farase por medio de aviso ao 112.
Barreiros, 1 de xullo de 2022. O Concello de Barreiros anunciou que a escaseza de persoal de salvamento e socorrismo impide contar cun servizo áxil e operativo con cobertura por terra; polo que contará con lancha salvavidas activa e persoal técnico sanitario que acudirá aos avisos do 112.
Barreiros contará con un operativo composto por persoal de socorrismo e primeiros auxilios, máis o patrón da embarcación, tras abrir o proceso de selección por medio dunha bolsa de emprego a primeiros de xuño e non lograr cubrir un mínimo de persoal axeitado.
No caso do persoal de socorrismo, presentáronse seis persoas coa documentación oficial necesaria actualizada, das que finalmente só un aceptou o traballo nas praias barreirenses.
Nesta situación, Barreiros mantén aberto o prazo de presentación, por se houbese persoas interesadas en incorporarse durante a tempada.
Xunto coa contratación de socorristas, abriuse tamén prazo para a contratación de persoal técnico sanitario e persoal auxiliar de información e primeiros auxilios, figura á que en anos anteriores acudiu o Concello de Barreiros para contar con persoal de prevención en terra, coordinadamente co servizo de socorrismo.
Limitacións normativas á contratación
Para esta tempada a Xunta de Galicia aprobou unha nova normativa que regula non só os socorristas, senón tamén o persoal auxiliar; limitando e vinculando a súa contratación ao número de socorristas. Neste sentido, a actual normativa galega non permite a contratación de máis dunha persoa auxiliar por cada dous socorristas. Isto limitou a contratación deste persoal que noutras ocasións se ten utilizado polo Concello de Barreiros para coordinar co servizo de socorrismo e levar a cabo actuacións de información e prevención.
A escaseza de persoal de socorrismo e as condicións das axudas da Xunta, condicionan o finanzamento
A alcaldesa de Barreiros sinala tamén que neste ano o Concello de Barreiros optou por destinar fondos propios municipais para financiar estes servizos, xa que as condicións das subvencións abertas pola Xunta complican a contratación con eses fondos, como se pode comprobar co feito de que cada vez máis concellos optan por non solicitalas ou renunciar ás mesmas.
O esforzo orzamentario feito polo Concello tratou de evitar que os prazos dos trámites administrativos se prolongaran dificultando aínda máis a contratación, xa que ao non depender de fondos da Xunta, o proceso puido abrirse máis cedo, sendo Barreiros dos primeiros concellos que comezou cos procesos de contratación do persoal. Aínda así, os requisitos de profesionalidade esixidos para a contratación deste persoal, impediu a cobertura axeitada do servizo.
Chamada á prudencia e á colaboración
Ante esta complicada situación, a alcaldesa quere facer un chamamento á prudencia extrema, xa que non poderá haber persoal que informe sobre o estado do mar, no caso de que se descoñezan os perigos marítimos; evitando situacións de risco que poñan en perigo a integridade das persoas.
A rexedora tamén solicitou colaboración no caso de que se visualice unha situación de emerxencia, dando aviso ao 112 para que se active o operativo necesario.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
