Ribadeo, 5 de xullo de 2022. Os locais asociados a Acisa Ribadeo reparten estes días 100.000 rifas entre os seus clientes para participar no sorteo dunha viaxe a Cuba para dúas persoas. O nome da persoa afortunada coñecerase o vindeiro domingo, 10 de xullo, despois do concerto do artista mexicana Lila Downs. Con esa dobre cita no barrio de San Roque concluirá o Ribadeo Indiano 2022.
O xerente da Asociación de Comerciantes, Industriais, Servizos e Autónomos, Jesús Pérez, dixo: “somos conscientes do éxito que tivo esta iniciativa na edición do 2019 e por iso non podía faltar este ano”.
Desde a organización do Ribadeo Indiano, Concello e Acisa, lembran que “a viaxe que se sortea é para dúas persoas e será para desfrutar do 2 ao 10 de setembro”.
Pérez Prada subliñou que “participar no sorteo é moi sinxelo. As rifas están a disposición dos clientes nos establecementos asociados a Acisa desde o pasado 24 de xuño e ata o 10 de xullo. O único que teñen que facer é pedir as rifas tras o gasto realizado. As papeletas deberán ir debidamente seladas polos establecementos e cubertas con nome, apelidos e DNI do cliente, que será quen as conserve no seu poder ata o 10 de xullo, xornada na que de 11:00 a 21:30 horas poderán introducilas na urna do sorteo no posto que estará situado na Praziña de San Roque”.
E explicou que “o sorteo terá lugar de forma presencial tras a actuación da mexicana Lila Downs nese mesmo escenario. Alí collerase unha rifa da urna, e dirase o nome por megafonía dando 5 minutos de tempo para que apareza o premiado. De non presentarse nese tempo volverase sortear cantas veces faga falta ata entregar o premio. A persoa gañadora deberá acreditar que o seu número de DNI coincide co escrito na papeleta premiada”.
Desde Acisa advirten que “non serán validas as papeletas sen algún dos datos persoais ou sen o selo do establecemento. Recomendamos á clientela dos negocios de Ribadeo que consulten a nosa web, a nosa app e os códigos QR que están nas marquesinas, nas bolsas de Acisa y nas pegatinas que atoparán nos locais asociados, nos que poden pedir as papeletas despois de mercar ou de consumir neles”.
As bases do sorteo e o listado de establecementos adheridos están dispoñibles na web e redes sociais do Ribadeo Indiano e de Acisa. Tamén figurarán na rifa e no cartel identificativo dos establecementos asociados as normas básicas”.
Jesús Pérez tivo palabras de agradecemento para o Concello e para os patrocinadores: Estrella de Galicia, Galipizza, A Cofradía, Banco Sabadell, Caixa Rural e COCAHI, “xa que sen a súa inestimable axuda non poderiamos poñer en marcha este sorteo”.
E engadiu: “dende Acisa Ribadeo queremos resaltar o noso compromiso coa organización do Ribadeo Indiano e polo tanto tamén co traballo en estreita colaboración co Concello de Ribadeo para levalo a cabo, e por iso este ano estamos a facer o maior esforzo económico posible. O Ribadeo Indiano é un traballo conxunto, no que ambas entidades aportamos o que somos capaces, cada un dende as súas posibilidades, para levar a cabo un gran evento que dinamice a economía local e fomente o turismo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
