Viveiro, 25 de agosto de 2022. A alcaldesa de Viveiro, María Loureiro, aclara que as obras relativas á rede de sumidoiros de As Aceas xa están previstas e dotadas de orzamento, malia que o Partido Popular pretenda esixir que se proxecten os traballos.
O goberno local vese na obriga de aclarar esta circunstancia ante o anuncio do Partido Popular de presentar unha moción no próximo pleno para esixir medidas “para prolongar a rede de sumidoiros ata As Aceas co fin de que, os propietarios das casas, poidan tramitar a conexión coa rede de saneamento”.
O Concello de Viveiro explica que no pleno municipal deste mes de agosto aprobáronse unha serie de modificacións de crédito, entre as que se inclúe unha partida de 34.004 euros destinada a esta actuación. “Non sabemos se os representantes do Partido Popular non len a documentación dos plenos ou se intencionadamente pretenden enganar á veciñanza”, engaden dende o goberno local.
Neste sentido, o goberno local explica que as acusacións do partido da oposición son totalmente incertas e inxustificadas, dado que a obra referida xa está prevista e dotada de orzamento. Neste sentido, a alcaldesa de Viveiro pídelle ao voceiro do Partido Popular “que traballe en positivo e que non engane aos veciños”.
Ademais, contrariamente ao que suxire o Partido Popular, os escritos enviados polo Concello de Viveiro foron remitidos en 2019 e non na actualidade. Alén diso, o goberno local xa mantivo no seu momento unha reunión cos propietarios das vivendas comprometéndose a realizar estas actuacións de saneamento.
Nesta liña, dende o goberno local aclaran que para que as vivendas da zona poidan realizar o vertido á rede de saneamento pública é necesario executar, ademais da extensión da rede municipal, a construción dun bombeo de residuais que impulse os caudais ata o colector xeral, tendo en conta a localización dos inmobles con respecto á rede xeral.
Doutra banda, respecto aos escritos enviados, o Concello de Viveiro aclara que en ningún momento pretendeu atribuír aos propietarios ningunha responsabilidade, máis que a contemplada no Regulamento marco de saneamento e depuración de augas residuais de Galicia. Dito regulamento indica que, cando non exista rede de saneamento, as vivendas deberán estar dotadas dunha sistema de depuración individualizado.
Non obstante, o Concello de Viveiro asumiu o compromiso de executar estas obras, dadas as dificultades existentes, xa que que outra das opcións era prolongar o saneamento ata esa zona e instalar un bombeo, tal e como se aclarou na reunión mantida cos veciños.
“É evidente que a moción anunciada polo PP resulta innecesaria e totalmente fóra de lugar, respondendo unicamente ao modus operandi habitual do seu voceiro, que consiste en enganar, buscando problemas onde non existen”, engaden dende o goberno local.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
